Qańtar aıyndaǵy qaıǵyly oqıǵalardan keıin áleýmettik jelilerde tártipsizdikter men tonaý faktilerin, sondaı-aq terrorızm men memlekettik tóńkeris qımyldaryn teriske shyǵarý áreketi baıqala bastady. El azamattarynyń qoǵamdyq sanasyn baqylaýǵa alý úshin aqparattyq kúres júrgizýge týra keldi. Jaǵdaıdyń ýshyǵyp ketkeni sonshalyq, tonaý áreketin durysqa shyǵaryp, jaqtaǵandar da tabylyp jatty. Tipti, kóp adamnyń bolmysynan uıat uǵymy kemigendeı kórindi.
Teris pıǵyldylar beıbit sherýge shyqqan halyqty arandatyp, arty qantógis qyrǵynǵa ulasty. Jazyqsyz jandar japa shekti.
«Bastapqy kezde, men aıtyp ótkendeı, beıbit narazylyq boldy. Keıin Almaty qalasynda saıası mıtıng ótkizildi. Sodan soń shıbórideı qaptaǵan qarýly sodyrlar qalaǵa úsh baǵyttan bas saldy. Basynda olar ózderin beıbit demonstranttar retinde kórsetip, quqyqtyq tártipti saqtaýshy kúshterdi, tipti qala turǵyndaryn shatastyrdy. Al sodan keıin «Almaty tragedııasy» degen ataý alyp, tarıhqa enetin oqıǵa boldy», - dedi Qasym-Jomart Toqaev.
Búginde bulǵaqtan halyq ta, bılik te es jıyp úlgere qoıǵan joq.
Beıbit sherýdiń shyrqy buzylǵan sát jáne jappaı tártipsizdikter
Sıpaty ózgergen sherý: Beıbit sherýdi paıdalanǵan sodyrlar toby búlik shyǵaryp, jaǵdaı kúrdelene tústi. Qyzmettik kólikterdi órtep, múlikterdi urlaı bastady. Strategııalyq mańyzdy nysandardy basyp alýǵa talpynyp, beıbit turǵyndar men polıııa qyzmetkerlerin aıamady. Al áleýmettik jaǵdaıdyń durystalýyn talap etken beıbit sherýshilerdiń qalanyń bulaı tas-talqanyn shyǵarmaıtyny beseneden belgili bolatyn.
Tonaý: «Áı deıtin áje, qoı deıtin qoja joq»
Dúrbeleńdi paıdalanǵan búlikshiler men ury-qarylar ıesiz qalǵan dúkender men bankomattarǵa shabýyl jasady. Yqtımal qylmyskerler qarý-jaraq dúkenin tonap, azamattyq soǵys jolyna tústi. Qara jáne qyzyl kúrteshelengen toptar óz jolynda bárin qıratty.
Memlekettik tóńkeris jáne terrorızm
Prezıdent Qasym-Jomart Toqaevtyń 20 myń terrorıst týraly aıtqan sózderi qoǵamda úlken rezonans týdyrdy:
«Sondyqtan bandıtter sany az bolǵanyn aıtyp, bul jaǵdaıdy mysqylǵa aınaldyrý jónsiz dep oılaımyn. Shyn máninde olar tolqyn-tolqynmen júrdi, olarǵa buıryq berilip otyrǵany túsinikti jaǵdaı», - dedi Qasym-Jomart Toqaev.
Rasynda barshaǵa belgili bolǵan jaıdy tizip shyǵýdyń qajeti shamaly. Óıtkeni bılikti kúshpen basyp alýǵa árekettený men kúsh qoldanyp beıbit turǵyndarǵa qasaqana zorlyq-zombylyq kórsetý keshirilmeıtin qylmys!
Oralbaı MERGENBAIULY,
«Adyrna» ulttyq portaly
