"Úı syılaǵan saqalıtter shyǵar": jýrnalıst 9 jasar balaǵa úı syılaǵandardy synǵa aldy

7794
Adyrna.kz Telegram

Jaqyn arada úıli bolǵan 9 jasar Orazymbet esimdi balanyń sóılegen sózi qazaqstandyq jýrnalıst Sáýle Ábidlahanqyzynyń kóńilinen shyqpady, dep jazady "Adyrna" tilshisi.

Orazymbet esimdi búldirshin múgedek anasy jáne baýyrlarymen "úı" dep aıtýǵa kelmeıtin jerde turyp jatqan bolatyn. Keıinnen, "Hareket" qory 9 jasar balanyń armanyn oryndap, úlken úıge kóshýine sebepker boldy. Osy taqyrypqa baılanysty Sáýle Ábildahanqyzy óziniń áleýmettik jelisinde bylaı dep jazdy:

"Bir kishkentaı balapanǵa halyq úı syılapty, júregi jaryla qýanyp, rahmet aıtyp turǵan balaqannyń vıdeosyn kórip qaldym. Qutty bolsyn!!! Ósip-ónip, jańa shańyraǵy qarashańyraqqa aınalsyn! Anasy aman bolsyn! Bir adam qýansa, qýanamyz ǵoı. Al Ana men Balanyń qýanǵany - Qudaıdyń qýanǵany...."
Onyń aıtýynsha, kip-kishkentaı, besikten beli shyqpaǵan balanyń eki sóziniń biri – «Allah, Inshallah, Mashallah, jánnat…» sııaqty arabı sózder. Soǵan qaraǵanda, úı syılaǵan «saqalıtter» shyǵar. Arabı dinniń dáni túsip úlgergen-mis.
"Tek... álgi balanyń alǵys aıtqan vıdeosyn qarap otyrǵanda, "qap, áttegen-aı!... degen bir túıtkil turdy kókeıde... Kip-kishkentaı, besikten beli shyqpaǵan balanyń eki sóziniń biri - "allah, ınshallah, mashallah, jánnat..." sııaqty arabı sózder... (Soǵan qaraǵanda, úı syılaǵan saqalıtter shyǵar...) Arabı dinniń dáni túsip úlgeripti... Ózegine qurt bop túspese eken.... Júregine nur bop quıylsa eken...
Balalardyń, jetkinshekterdiń ózegi berik bolýy, ártúrli aǵymnyń jeteginde ketpeýi - otbasymen birge mektep muǵalimderine birdeı baılanysty. Búgin mektep oqýshylarynyń ózegine ulttyq nárdi quımasaq, erteń ol vakýýmǵa "qoqys" tolady da, mine, sol kezde naǵyz qasiret, naǵyz tragedııa bolady... Ol kezde Táýelsizdigimiz de báıgege tigiledi..." dedi ol.
Pikirler