Feısbýk áleýmettik jelisinde Serik Boqan esim-coıly azamattyń jylqy etin jeýden qazaq halqyn saqtandyrǵan jazbasy tarady. Avtor óz jazbasynda jylqy etin jeýdiń asqan zııanyn aıtyp, tutas ultqa qaýip-qater tónip turǵanyn jetkizedi. Bul jaıly "Adyrna" ulttyq portaly habarlaıdy.
Avtor óz jazbasynda qazaq halqyn jylqy etinen birjola jırenýge shaqyrady. Óz oıyn Serik Boqan bylaı bastaıdy:
"Jylqy eti ómirge óte qaýipti! Shyǵys medıınasy jylqy etiniń túrli bakterııa, óte jaman aýyrýlar týdyratyn azyq ekenin dáleldedi. Ol júrek, mı qan tamyrlaryn jaryp ómirge qaýip tóndiredi".
Keıinnen jylqy etine jany qas avtor qytaıy medıınaǵa toqtalady. Jylqy etin tutyný - bedeýliktiń bastaýy, aqyrynda tutas ulttyń óz tamyryna balta shabýy degen toqtamǵa keledi.
Qytaıdyń bes myń jyldyq tarıhy bar medıınasynda aıtady: jylqy eti baýyr, buırek, asqazan, ishek joldaryn qurttar órbitý arqyly aýyrtady. Súıktiń synýyn, keýektendirýin jedeldetedi. Dońyz ben jylqy etin qatar jese, oba aýyrýyn týdyrady. Jylqy terisin jylanǵa japsa, jylan óledi. Jylqy etin jeıtin adam óte kóp aýyrýǵa shaldyǵady. Jylqy etin jegen qaýymnyń ósimi toqtaıdy. Erler belsiz, áıelder bedeý bolady
Qysqasy jarty saǵat zalady jylqy eti týraly eskertýdi estip óte qaýipti ekenin bildim. Saq bolaıyq!
Jylqy kólik retinde paıdalanýǵa laıyq kórkemónershi jaratylys, - deıdi avtor bul jaıynda.
Sóz sońynda feısbýk belsendisi qos sýretpen bólisedi. Onda arapsha jazý qoldanylǵan kartına jáne týlaǵan tulpardyń beınesi bar.
Oqyrmandar avtorǵa jaýap esebinde tómendegideı oı-pikir qaldyrýda:
"Jylqy etin jegen babalarymyz on-jıyrma baladan tapqan. Jylqynyń eti - adal",
"Qytaılar jemeı-aq qoısyn. Qazaqqa jylqy eti jaǵady. Jaǵyp ta keledi. Iá, maıy súıekti jumsartatyny ras, biraq ony únemi jemeıdi ǵoı. Kóbine qysta soǵym retinde jeıdi. Jylqy eti deneni qyzdyratyny ras. Aıta bersek, paıdasy kóp. Jylqy eti - naǵyz dıeta taǵamy",
"Ótirik! Jylqy etin jep júz jasaǵan adamdar jeterlik. Kerisinshe desaýlyqqa óte paıdaly.Eti zııandy bolsa, qymyzy, saýmaly she? Ókpe aýrýymen, baýyr aýrýynan qymyz iship, saýmal iship jazylǵandar týraly ne deımiz? Kıeli Jylqyǵa sóz keltirmeńizder!","Jylqyny qalaı zerttep, bilip, baǵyp ósirip baptaýdy aldymen qazaqtan surap bilip alsyn, áıtpese jylan jegenderdiń ústine jylqynyń terisin jaba salmyz-aý","Qaýipti qurt, shaıan jeıtin Qytaıdyń jylqysy shyǵar. Bizderdikiniń jegenderi jýsan, bári Qazaqtyń keń dalasynda jaıylǵan. Aýzymnyn sýy aǵyp ketti... Qazysy qandaı súrlengen. Qytaıdyń jylqysy qaýipti shyǵar, Qazaqtyń jylqysy nán ǵoı" dedi oqyrmandar.
