2025 jylǧy 18 mausymda Soltüstık Qazaqstan oblystyq sotynyŋ qylmystyq ıster jönındegı sot alqasy 1990 jyly tuǧan, QK-nıŋ 174-babynyŋ 1-bölıgımen, iaǧni ūltaralyq alauyzdyqty qozdyru faktısı boiynşa sottalǧan J.Darhambaevaǧa qatysty qylmystyq ıstı apelliasiialyq tärtıpte qarady.
Anyqtalǧandai, J.Darhambaeva özınıŋ jeke paraqşasyna ärtürlı etnostar ökılderınıŋ ar-namysy men qadır-qasietın jariia türde qorlauǧa baǧyttalǧan sözderdı qoldanǧan beinejariialanymdy salǧan.
J.Darhambaevanyŋ ündeuı İnternet qoldanuşylarynyŋ keŋ auqymyn qamtyǧan – qūqyqqa qaişy beinejazbalar jarty millionnan astam tırkeluşılerı bar messendjerlerde jariialanǧan.
Mūndai äreketter bızdıŋ memleketımızdıŋ ırgetasy bolyp tabylatyn ūltaralyq kelısımdı jäne halyqtyŋ bırlıgın būzuǧa, oǧan nūqsan keltıruge baǧyttalǧan. Konstitusiia ūlttyq, näsıldık jäne dıni uäjı boiynşa kez kelgen kemsıtuşılıkke tyiym salady.
Būl rette, zaŋda osy siiaqty ekstremistık qylmystar üşın jaza közdelgen. Zaŋ men sot aldynda, olardyŋ jynysy, jasy jäne äleumettık märtebesıne qaramastan barlyǧy teŋ bolyp keledı.
J.Darhambaeva qylmysty sanaly türde, eresek ärı jetılgen adam bola tūra jasaǧan. Ol özınıŋ äreketterı basqa azamattardyŋ qūqyqtaryn būzatynyn bılgen.
Sot barlyq däleldemelerdı zerdelep, J.Darhambaevanyŋ kınäsı tolyq däleldengen dep esepteidı.
Osylaişa, bırınşı satydaǧy sot zaŋdy ärı negızdı şeşım qabyldaǧan.
Degenmen, sotqa tüsken medisinalyq qorytyndyǧa säikes, qazırgı uaqytta ol Petropavl q. oblystyq perinataldyq ortalyǧynda bosanǧannan keiın jasalǧan otaǧa bailanysty densaulyǧynyŋ naşarlauy sebebınen em şaralaryn qabyldaudy qajet etedı.
Sottalǧannyŋ özı apelliasiialyq satydaǧy sotta kınäsın tolyq moiyndady, jasaǧan ıs-äreketterıne ökınetının aityp, bosanuyna jäne densaulyq jaǧdaiyna bailanysty oǧan jazany öteuın keiınge qaldyrudy sūrady.
Atalǧandardyŋ negızınde, ūsynylǧan mälımetter men jaŋa män-jailardy eskere otyryp, apelliasiialyq saty J. Darhambaevaǧa qatysty 2 jyl merzımge jazasyn öteudı keiınge qaldyrudy qoldanuǧa şeşım qabyldady, iaǧni onyŋ jazasyn öteuı uaqytşa keiınge qaldyrylatyn bolady.
Alaida, J.Darhambaeva qaita qūqyq būzuşylyq jasaǧan jaǧdaida, Qazaqstan Respublikasynyŋ zaŋnamasyna säikes, jazasyn öteudı keiınge qaldyrudy qoldanudyŋ küşı joiylady.
