Sot Facebook-te oblystyq máslıhat depýtatyn qorlaǵan aqtóbelikke jaza taǵaıyndady, dep habarlaıdy "Adyrna" ulttyq portaly "Dıapazon" saıtyna silteme jasap.
Basylym málimetinshe, bári áleýmettik jelide bastalǵan. Onda aýyl sharýashylyǵy kolledjiniń dırektory Amangeldi Eserkepov (oblystyq máslıhat depýtaty) zeınetkerlikke saltanatty túrde shyǵaryp salynǵany, is 2021 jyly jazda bolǵany aıtylady. Jeli qoldanýshylarynyń biri "aqymaq", "starper" dep, ony qorlaıtyn sózder jazǵan. Muny kórgen depýtat pikir jaǵan avtordyń ústinen qylmystyq sotqa aryz jazǵan.
Aıyptalýshy azamat aýyl sharýashylyǵy kolledjiniń bastapqy áskerı daıyndyq pániniń burynǵy oqytýshysy bolyp shyqqan, buǵan deıin ony Eserkepov prokýrordyń qaýlysymen jumystan shyǵaryp jibergen eken.
Aıyptalýshy áleýmettik jelide til tıgizbegenin, ol jerde tipti tirkelmegenin aıtyp, kinásin moıyndamaǵan.
Sot burynǵy BÁD muǵalimin qorlaý sózderi úshin 50 saǵat qoǵamdyq jumysqa tartý týraly úkim shyǵardy, biraq keıin raqymshylyqqa baılanysty ony bul jazadan bosatqan. Sondaı-aq, sottalýshy Amangeldi Eserkepovke moraldyq shyǵyn úshin 100 myń teńge jáne bul is boıynsha advokattardyń jumysy úshin 500 myń teńge tóleýge mindetteldi.
"Adyrna" ulttyq portaly
