Tanymal adamdar Nazarbaevtan terıs ainalyp jatyr

Eks-prezident Nūrsūltan Nazarbaev bilıkten aiyrylyp, otbasy müşelerı qyzmetten ketıp, tızgın prezident Qasym-Jomart Toqaevqa tigenı sol edı, keibır jūrt prezidenttı maqtap ala jöneldı. Al osy künge deiın Nūrsūltan Nazarbaevty maqtap kelgender bır-aq künde özgerıp şyǧa keldı. Nege.kz tılşısı eks-prezidentı jer-kökke tigızbei maqtap kelgen Myrzatai Joldasbekov pen aqyn Nesıpbek Aitūlyna habarlasyp körgen edı, dep habarlaidy "Adyrna" ūlttyq portaly.

Myrzatai Joldasbekov: Davai, prekrati!

– Sız Nūrsūltan Nazarbaevpen bırge boldyŋyz. Qazır eks-prezident qaida? Bilıkte jürgende maqtadyŋyz. Bilıkten ketkennen keiın nege ızdemeisız? – Menı saiasatqa köp qosa bermeşı, ainalaiyn. – Saiasatqa kezınde aralastyŋyz ǧoi... – Davai, prekrati! – Nazarbaev turaly eşteŋe aitpaisyz ba? – Eşteŋe aitpaimyn qazır. Ol turaly ne aitasyŋ qazır? – Köpşılık ony aiyptap jatyr, sız de aiyptaisyz ba, älde älı de jaqtaisyz ba? – ... Kezınde Nūrsūltan Nazarbaevty paiǧambarǧa teŋegen Myrzatai Joldasbekov tılşı sūraǧyn tolyq tyŋdamastan telefon tūtqasyn qoia saldy.

Nesıpbek Aitūly: Qazır ökınemın...

– Qazır bärımız «Nazarbaev qaida?» dep ızdep jatyrmyz ǧoi. Tūŋǧyş prezident Qazaqstanda ma, älde şetelde me? Qalai oilaisyz? – Men ony iıskep bılemın be? Ony Ükımetten sūra. Prezidentten sūra. Bır bılse, Toqaev bıledı ony. Odan basqa kım bıledı. Sondai sūraq bola ma eken? – Kezınde eks-prezidentke arnap «Bäiterek» poemasyn jazyp, maqtap edıŋız... – Maqtadyq, nesı bar?! Onda Elbasyn maqtaǧan joqpyn. Ol kezde Astana jönınde jazdym. Al aita ber. – Pıkırıŋız özgergen joq pa? – Nazarbaevtyŋ astanany köşırudegı tarihi eŋbegın joqqa şyǧaruǧa bolmaidy. «Bäiterek» poemasy 2003 jyly jazyldy. Odan bölek şetelde de milliondaǧan kıtap jazyldy. Sol kezde ol kısınıŋ eŋbegın aittyq. Astanany auystyru men Soltüstık Qazaqstan oblysyndaǧy şekarany bekıtuı tarihtan eşqaşan öşpeidı. Ol – ülken eŋbek. Ony bız qalai joqqa şyǧaramyz? Al endı onyŋ soŋy mynadai bolǧanyna menıŋ qatysym qanşa? – Qazır äleumettık jelıde eks-prezidentke qatty syn aityp jatyr. Bır kezderı maqtaǧan adamyŋyzdy aqtap aluǧa tyryspaisyz ba? – Men nege aqtauym kerek ony?! Eŋbegı bary – bar, astanany auystyrǧanyn joqqa şyǧarmaimyn. Şekarany bekıtkenı, Qazaqstandy halyqaralyq arenada äigılegenı aityldy. Odan keiın Qazaqstandy boqqa batyryp, myna dünienıŋ byt-şytyn şyǧarsa, men ony nege aqtauym kerek? – Sız sonda Nazarbaevty aiyptap otyrsyz ba? – Men emes, bükıl älem solai aityp jatyr ǧoi. «Qazaqstannyŋ bükıl bailyǧyn bır otbasy qaltasyna salyp aldy» dep jatyr. Ony men aityp otyrǧan joqpyn ǧoi. – «Bäiterek» poemasyn jazǧan kezde mūny bılmedıŋız be? – Ei, ainalaiyn, sen qyrtpa, «Bäiterek» qaida?! Odan keiın 20 jyl öttı. Davai, basymdy auyrtpa! Jiyrma jylda dünie özgermei me? Adam bır-aq künde özgerıp jatyr. – Jalpy jaǧympazdyq degenge qalai qaraisyz? – Men jaǧympazdanǧan joqpyn. Der kezınde... Täuelsızdıktı jyrladym men! – Kezınde maqtap poema jazǧanyŋyzǧa qazır ökınesız be? – Qazır ökınemın… P.S. Mıne, bız sūrau salǧan qairatker men aqynnyŋ pıkırı osyndai boldy. Tūŋǧyş prezident Nūrsūltan Nazarbaevty bır kezderı jer-kökke syiǧyzbai maqtaǧandar men oǧan arnap poema jazǧandardyŋ qarasy köp. Aldaǧy uaqytta olardyŋ da oiyn bıluge tyrysamyz.

Serık JOLDASBAI, 

"Adyrna" ūlttyq portaly