استانادا جاسوسپىرىمدەر مۋزىكالىق تەاترىندا ءورت شىعىپ، ءۇش ادام زارداپ شەكتى، دەپ حابارلايدى "ادىرنا" ۇلتتىق پورتالى.
بۇل تۋرالى توتەنشە جاعدايلار مينيسترلىگى مالىمدەدى.
مينيسترلىك مالىمەتىنە سۇيەنسەك، ءورت سارىارقا اۋدانىنداعى جاقىپ وماروۆ كوشەسىندە ورنالاسقان ەكى قاباتتى عيماراتتىڭ جەرتولەسىندەگى كيىم بولمەسىندە ورىن العان. وقيعا ورنىنا شۇعىل جەتكەن ءورت سوندىرۋشىلەر عيمارات ىشىندە قالىپ قويعان ءۇش ادامدى قۇتقاردى.
ءورت 20 شارشى مەتر اۋماقتا ءسوندىرىلدى. زارداپ شەككەن ءۇش ادام جانۋ ونىمدەرىمەن ۋلانۋ بەلگىلەرى بايقالعان سوڭ دارىگەرلەردىڭ كومەگىنە جۇگىنگەن. قازىرگى ۋاقىتتا ءورتتىڭ شىعۋ سەبەبى انىقتالۋدا.
