قىرعىزستاننىڭ بۇرىنعى ۇقك توراعاسى قامشىبەك تاشيەۆتىڭ ءىنىسى، ەكس-دەپۋتات شايىرەك تاشيەۆ ۇستالدى. بۇل تۋرالى ەلدىڭ ىشكى ىستەر مينيسترلىگى ايتتى، دەپ حابارلايدى «ادىرنا» ءتىلشىسى.
«قىرعىزستان رەسپۋبليكاسى ىشكى ىستەر مينيسترلىگى قىلمىستىق ءىستى تەرگەۋ بارىسىندا جوعارعى كەڭەس دەپۋتاتى بولىپ جۇمىس اتقارعان شايىربەك تاشيەۆتى ۇستادى»، — دەلىنگەن حابارلامادا.
ءىىم مالىمەتىنە قاراعاندا، ول «قىرعىزمۇنايگاز» ااق-داعى سىبايلاس جەمقورلىق ءىسى بويىنشا تۇتقىنعا الىنعان. تاشيەۆتىڭ بىشكەكتەگى ۋاقىتشا ۇستاۋ يزولياتورىنا قامالعانى ايتىلدى.
ايتا كەتەيىك، بۇعان دەيىن ونىڭ دەپۋتاتتىق وكىلەتتىگى مەرزىمىنەن بۇرىن توقتاتىلعانى حابارلانعان ەدى. سونىمەن قاتار ول ءىىم-ءنىڭ باس تەرگەۋ باسقارماسىندا جاۋاپ بەرىپ، كەيىن بوساتىلعان بولاتىن.
ۇقساس جاڭالىقتار
