جەلى قولدانۋشىلارى الماتى قالاسىنا باسقا وبلىستاردان پوليتسيا پاترۋلدەرى تارتىلعانى تۋرالى اقپارات تاراتتى. ىشكى ىستەر مينيسترلىگى بۇل جاعدايعا تۇسىنىكتەمە بەردى، دەپ حابارلايدى «ادىرنا» ءتىلشىسى.
ء«ال-فارابي داڭعىلى بويىمەن 01, 03, 09 وڭىرلەرىنە تيەسىلى پاترۋلدىك پوليتسيا كولونناسىمەن قاتار ءجۇردىم»، – دەپ جازدى Threads قولدانۋشىلارىنىڭ ءبىرى.
ءىىم مالىمەتىنشە، بۇل – قۇقىقتىق ءتارتىپ پەن جول قاۋىپسىزدىگىن قامتاماسىز ەتۋگە باعىتتالعان جوسپارلى ءىس-شارالار.
«ىشكى ىستەر مينيسترلىگى تاراپىنان قۇقىقتىق ءتارتىپ پەن جول قاۋىپسىزدىگىن قامتاماسىز ەتۋ ماقساتىندا جوسپارلى ءىس-شارالار تۇراقتى تۇردە وتكىزىلىپ كەلەدى. مۇنداي تاجىريبە جۇيەلى سيپاتقا يە جانە ەلدىڭ بارلىق وڭىرىندە جەدەل ءارى كريمينوگەندىك جاعدايعا قاراي جۇزەگە اسىرىلادى. قاجەت بولعان جاعدايدا جەكەلەگەن وڭىرلەرگە پراكتيكالىق كومەك كورسەتۋ جانە پروفيلاكتيكالىق جۇمىستى كۇشەيتۋ ءۇشىن قوسىمشا بولىمشەلەر جىبەرىلەدى. نەگىزگى ماقسات – جەدەل جاعدايدى تۇراقتاندىرۋ، قۇقىق بۇزۋشىلىقتاردىڭ الدىن الۋ جانە جول قوزعالىسىنا قاتىسۋشىلاردىڭ ءتارتىبىن ارتتىرۋ»، – دەلىنگەن حابارلامادا.
مينيسترلىك بارلىق ءىس-شارا قولدانىستاعى زاڭناما اياسىندا قاتاڭ تۇردە جۇزەگە اسىرىلاتىنىن دا اتاپ ءوتتى.
ەسكە سالايىق، 21 ناۋرىزدا الماتى قالاسىنىڭ ءال-فارابي داڭعىلىندا جانتۇرشىگەرلىك جول اپاتى بولعان ەدى. Mercedes پەن Zeekr كولىكتەرىنىڭ سوقتىعىسۋى سالدارىنان 3 ادام مەرت بولدى. وسى وقيعادان كەيىن ىشكى ىستەر ءمينيسترى دەپارتامەنتتەگى ءبىراز ادامدى ورنىنان بوساتتى.
