سەنات دەپۋتاتى گەننادي شيپوۆسكيح جەلىدەگى پاراقشاسىندا رەسپۋبليكالىق فورۋم تۋرالى پىكىرىن ءبىلدىردى، دەپ حابارلايدى "ادىرنا" ۇلتتىق پورتالى.
"بۇگىن استانا قالاساىندا،ەلىمىزدىڭ تورىندە پرەزيدەنت قاسىم-جومارت توقاەۆتىڭ بارلىق دەڭگەيدەگى ءماسليحاتتار دەپۋتاتتارىنىڭ ءىى رەسپۋبليكالىق فورۋمىنا قاتىستى. فورۋم بارىسىندا مەملەكەت باسشىسى كوپتەگەن ماڭىزدى اسپەكتىلەرگە توقتادى. ايتىلعان ماڭىزدى تاقىرىپتاردىڭ ءبىرى بۇل - دامىپ جاتقان تسيفرلى زامانداعى ءبىزدىڭ بالالارىمىزدىڭ جاعدايى تۋرالى.ول بويىنشا پرەزيدەنتىمىز بىلاي دەدى:ءبىزدىڭ قوعام قازىر بەتپە-بەت كەلگەن كوپتەگەن ماسەلە مەن كەسەلدىڭ ءتۇپ-تامىرى اتا-انالاردىڭ بالا تاربيەسىنە سالعىرت قاراۋىنان باستالادى. ۇرپاقتىڭ تسيفرلىق دۇنيەلەرگە تاۋەلدى بولۋى مەن ۆيرتۋالدى الەمگە شەكتەن تىس قۇمارتۋى ناعىز دەرتكە اينالدى. بالالارعا قاتىستى كەز كەلگەن قايعىلى جاعداي مەنىڭ جانىما باتادى. مەملەكەتتىك ورگانداردىڭ نازارىن دەرەۋ وسىنداي جاعدايلارعا اۋدارىپ، ءتيىستى تاپسىرمالار بەرىپ، ورىندالۋىن تۇراقتى باقىلاۋىمدا ۇستايمىن. بۇل اسكەردەگى وقىس وقيعالارعا دا قاتىستى", - دەلىنگەن Facebook جەلىسىندەگى جازبادا.
ايتا كەتەيىك، گەننادي شيپوۆسكيح بىرنەشە رەت Tiktok جەلىسىن بۇعاتتاۋ تۋرالى پىكىر ايتىپ، بىرنەشە رەت جازبا جاريالاعان.
ء"سوز جوق، زاماناۋي تەحنولوگيالار دامۋعا داڭعىل جول اشادى، سونداي-اق ومىرىمىزگە ايتارلىقتاي قاۋىپ تە توندىرەدى. تانىمال الەۋمەتتىك جەلىلەر بالالاردى عانا ەمەس، ۇلكەندەردى دە زومبيگە اينالدىرۋى مۇمكىن. اتا-انالار بالالارىنىڭ تاربيەسىن مەملەكەتكە نەمەسە مەكتەپكە ىسىرا سالماۋى كەرەك. گادجەتتەردىڭ قۇرساۋىندا قالدىرۋعا ءتىپتى بولمايدى. بالالارىنا تسيفرلىق گيگيەنانىڭ قاراپايىم ەرەجەلەرىن ۇيرەتۋگە اتا-انا جاۋاپتى. ۇل-قىزدارىمىزعا كوڭىل ءبولۋ، بىرگە ۋاقىت وتكىزۋ، ولاردى الاڭداتقان ماسەلەلەر جايىندا اڭگىمەلەسۋ ماڭىزدى. بالانىڭ سمارتفون نەمەسە كومپيۋتەر پايدالانعان كەزىندە نە ىستەپ جاتقانىن قاتاڭ قاداعالاۋ قاجەت. جەتكىنشەكتەر ونىمەن نەعۇرلىم از اۋەستەنسە، سوعۇرلىم جاقسى. ودان گورى دالاعا شىعىپ، تازا اۋادا سەرۋەندەسىن، ءوزى قۇرالپى بالالارمەن ويناسىن». بۇل تاقىرىپ بويىنشا، ياعني TikTok الەۋمەتتىك جەلىنى رەتتەۋ بويىنشا، وسى دۇنيەنى دۇرىس جولعا تۇسىرۋگە قاتىستى ارىپتەسىمىز ساتۆالديەۆ اليشەر كوتەرگەن بولاتىن. ال بۇگىن ء“بىر ەل-ءبىر مۇددە” سەنات دەپۋتاتتارىنىڭ توبى بولىپ، وسى ماسەلەنى قايتادان كوتەردىك. ءبىر سوزبەن وسى TikTok جەلىسىن رەتتەمەي، ءبىزدىڭ بالالارىمىزدىڭ ماسەلەسى تۇزەلمەيدى!" - دەپ جازعان.
