سەنات دەپۋتاتى مارات قوجاەۆ جۋرناليستەردىڭ سۇراقتارىنا جاۋاپ بەرە وتىرىپ، قىزىلوردا وبلىسىندا جىنىستىق قۇلدىققا تۇسكەن 16 جاستاعى قىزدىڭ جاعدايىنا تۇسىنىكتەمە بەردى، دەپ حابارلايدى "ادىرنا" ۇلتتىق پورتالى.
ىشكى ىستەر ءمينيسترىنىڭ ورىنباسارى بولعان سەناتور جىنىستىق قۇلدىققا ۇشىراعان قىز بالانىڭ ىسىنە قاتىستى سوت وتىرىسىنىڭ جابىق رەجيمدە وتەتىنىن ايتتى.
"ماعان جۋرناليستەردىڭ لوگيكاسىن باقىلاۋ قىزىق، سىزدەر ەگەر شۋ شىعارساق… ءيا، ونىڭ پايداسى بار. بۇل الىنعان دالەلدەمەلەردى پروتسەدۋرالىق باعالاۋعا مۇقيات قاراۋدى ىنتالاندىرادى، بىراق تاعى دا ايتايىن سوتتا سىزدەر الەۋمەتتىك جەلىلەردە كوتەرەتىن شۋ ەمەس، تەك پروتسەدۋرالىق دالەلدەر باعالانادى", – دەدى ول.
مارات قوجاەۆ بۇقارالىق اقپارات قۇرالدارىن "جاعدايدى اسىقتىرادى" دەپ ايىپتادى.
"جۇرتشىلىقتا قورقىنىش جوق. بۇل جاعدايدى، اقپاراتتىق رەسۋرستار – سىزدەر اسىقتىراسىزدار. مەنىڭ ويىمشا، حالىقتىڭ باسىم كوپشىلىگى ەلىمىزدىڭ قۇقىقتىق جۇيەسىنە سەنەدى", – دەدى ول.
