مارات قوجاەۆ قازاقستان پارلامەنتى سەناتىنىڭ دەپۋتاتى بولىپ تاعايىندالدى. ول ىشكى ىستەر ءمينيسترىنىڭ ءبىرىنشى ورىنباسارى لاۋازىمىنان بوساتىلدى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
«مەملەكەت باسشىسىنىڭ وكىمىمەن مارات شادەتحانۇلى قوجاەۆ قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى لاۋازىمىنان بوساتىلدى. مەملەكەت باسشىسىنىڭ جارلىعىمەن مارات شادەتحانۇلى قوجاەۆ قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى»، - دەلىنگەن قۇجاتتا.
ول 1964 جىل 23 اقپاندا دۇنيەگە كەلگەن.
1989 جىلى كسرو ءىىم قاراعاندى جوعارى مەكتەبىن ءبىتىرىپ، 2001 جىلى قازاقستان رەسپۋبليكاسى ءىىم اكادەمياسىن زاڭ فاكۋلتەتىن ءبىتىردى.
1984-1985 جىلى - الماتى وبلىسى ىشكى ىستەر دەپارتامەنتى قاسكەلەڭ اۋدانى ىشكى ىستەر ءبولىمىنىڭ ۋاقىتشا ۇستاۋ اباقتىسىنىڭ پوليتسيا قىزمەتكەرى;
1985-1989 جىلدارى - كسرو ءىىم قاراعاندى جوعارى مەكتەبىنىڭ ستۋدەنتى;
1989-1996 جىلدارى - الماتى وبلىسى ءىىد ءىىى، قاسكەلەڭ اۋداندارىنىڭ تەرگەۋشىسى;
1996-1997 جىلدارى - الماتى وبلىسى بويىنشا مەملەكەتتىك تەرگەۋ كوميتەتىنىڭ اعا تەرگەۋشىسى، باسقارما باستىعى. الماتى وبلىسى ىشكى ىستەر دەپارتامەنتىنىڭ تەرگەۋ قىزمەتىنىڭ اۋىر قىلمىستارىن تەرگەۋ ءبولىمىنىڭ باستىعى;
1997 جىلى - الماتى وبلىسى ىشكى ىستەر دەپارتامەنتىنىڭ تەرگەۋ قىزمەتىنىڭ باستىعى;
1997-2001 جىلدارى - كولىكتەگى ىشكى ىستەر بويىنشا شىعىس ديرەكتسياسىنىڭ تەرگەۋ قىزمەتىنىڭ باستىعىنىڭ ورىنباسارى;
2001-2004 جىلدارى - الماتى قالاسى ءىىب تەرگەۋ باسقارماسىنىڭ باستىعى، تەرگەۋ ءبولىمىنىڭ باستىعى، تەرگەۋ ءبولىمىنىڭ باستىعى;
2004-2007 جىلدارى - الماتى قالاسى ىشكى ىستەر دەپارتامەنتى باستىعىنىڭ ورىنباسارى;
2007-2009 جىلدارى - الماتى قالاسىنداعى ەكونوميكالىق جانە سىبايلاس جەمقورلىق قىلمىستارىمەن كۇرەس ءبولىمىنىڭ مەڭگەرۋشىسىنىڭ ورىنباسارى (تەرگەۋ);
2009-2012 جىلدارى - جامبىل وبلىسى ىشكى ىستەر دەپارتامەنتى باستىعىنىڭ ورىنباسارى;
2012-2014 جىلدارى - قازاقستان رەسپۋبليكاسى ءىىم تەرگەۋ كوميتەتىنىڭ توراعاسى;
2014 جىلدىڭ قىركۇيەك ايىنان 2017 جىلدىڭ جەلتوقسانىنا دەيىن - پاۆلودار وبلىسى ءىىد باستىعى.
2017 جىلعى جەلتوقساندا - استانا قالاسى ىشكى ىستەر دەپارتامەنتىنىڭ باستىعى.
2019 جىلدىڭ ءساۋىر ايىندا مەملەكەت باسشىسىنىڭ وكىمىمەن قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى قىزمەتىنە تاعايىندالدى.
مەملەكەتتىك جانە حالىقارالىق سىيلىقتار، جۇلدەلەر، قۇرمەتتى اتاقتار: «3 دارەجەلى ءمىنسىز قىزمەت ءۇشىن» مەدالى، «ءىىم-ءنىڭ ەڭبەك سىڭىرگەن قايراتكەرى» توسبەلگىسى.
ايتا كەتەيىك، بۇعان دەيىن سەنات دەپۋتاتى ءلاززات قالتاەۆانىڭ وكىلەتتىگى توقتاعانىن حابارلادىق.
