قازاقستان رەسەيگە جۇزدەگەن توننا بيداي پارتياسىن ءوز اۋماعىنا يمپورتتاۋعا رۇقسات بەرمەدى، دەپ حابارلايدى “ادىرنا” ۇلتتىق پورتالى قر اۋىل شارۋاشىلىعى مينيسترلىگىنىڭ ءباسپاسوز قىزمەتىنە سىلتەپ.
«اعىمداعى جىلدىڭ 11-12 قىركۇيەگىندە رەسەي فەدەراتسياسىمەن شەكارادا ورنالاسقان باتىس قازاقستان وبلىسىنىڭ تەمىرجول فيتوسانيتارلىق باقىلاۋ بەكەتىندە سەگىز ۆاگون بيداي انىقتالىپ، رەسەي فەدەراتسياسىنا كەرى قايتارىلدى. ساراتوۆ جانە تۋلا وبلىستارىنان شىمكەنت قالاسىنا 526 توننا تاسىمالداندى»، - دەلىنگەن سەنبى كۇنى حابارلامادا.
اۋىل شارۋاشىلىعى مينيسترلىگىندە تۇسىندىرگەندەي، بۇل جۇمىستى وسىمدىكتەر كارانتينى جونىندەگى مەملەكەتتىك ينسپەكتورلارى قر ۇقك تجد جايىق شەكارالىق باقىلاۋ ءبولىمىنىڭ اسكەري قىزمەتكەرلەرىمەن بىرلەسىپ جۇرگىزەدى.
«ىشكى نارىقتى قورعاۋ جانە استىقتىڭ رەەكسپورتى فاكتىلەرىن بولدىرماۋ ءۇشىن 2024 جىلعى 26 شىلدەدە سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ جونىندەگى ۆەدومستۆوارالىق كوميسسيانىڭ وتىرىسىندا استىقتىڭ يمپورتىنا تىيىم سالۋ تۋرالى شەشىم قابىلداندى. قازاقستان اۋماعى ارقىلى بيداي ءترانزيتىن قوسپاعاندا، 2024 جىلدىڭ 31 جەلتوقسانىنا دەيىن ءۇشىنشى ەلدەردەن جانە ەاەو ەلدەرىنەن قازاقستان اۋماعىنا كولىكتىڭ بارلىق تۇرلەرىمەن بيداي تاسىمالدانادى»، - دەپ ەسكە سالدى اۋىل شارۋاشىلىعى مينيسترلىگى.
ەسكە سالا كەتەيىك، بۇعان دەيىن قىتايدان اكەلىنگەن كوشەتتەر تۇرلەرىنىڭ كارانتين نورمالارىنا ساي كەلمەگەندىكتەن كەرى قايتارىلعانىن حابارلاعان ەدىك.
