Qazaqstan Reseıge júzdegen tonna bıdaı partııasyn óz aýmaǵyna ımporttaýǵa ruqsat bermedi, dep habarlaıdy “Adyrna” ulttyq portaly QR Aýyl sharýashylyǵy mınıstrliginiń baspasóz qyzmetine siltep.
«Aǵymdaǵy jyldyń 11-12 qyrkúıeginde Reseı Federaııasymen shekarada ornalasqan Batys Qazaqstan oblysynyń temirjol fıtosanıtarlyq baqylaý beketinde segiz vagon bıdaı anyqtalyp, Reseı Federaııasyna keri qaıtaryldy. Saratov jáne Týla oblystarynan Shymkent qalasyna 526 tonna tasymaldandy», - delingen senbi kúni habarlamada.
Aýyl sharýashylyǵy mınıstrliginde túsindirgendeı, bul jumysty ósimdikter karantıni jónindegi memlekettik ınspektorlary QR UQK TJD Jaıyq shekaralyq baqylaý bóliminiń áskerı qyzmetkerlerimen birlesip júrgizedi.
«Ishki naryqty qorǵaý jáne astyqtyń reeksporty faktilerin boldyrmaý úshin 2024 jylǵy 26 shildede syrtqy saýda saıasaty jáne halyqaralyq ekonomıkalyq uıymdarǵa qatysý jónindegi vedomstvoaralyq komıssııanyń otyrysynda astyqtyń ımportyna tyıym salý týraly sheshim qabyldandy. Qazaqstan aýmaǵy arqyly bıdaı tranzıtin qospaǵanda, 2024 jyldyń 31 jeltoqsanyna deıin úshinshi elderden jáne EAEO elderinen Qazaqstan aýmaǵyna kóliktiń barlyq túrlerimen bıdaı tasymaldanady», - dep eske saldy Aýyl sharýashylyǵy mınıstrligi.
Eske sala keteıik, buǵan deıin Qytaıdan ákelingen kóshetter túrleriniń karantın normalaryna saı kelmegendikten keri qaıtarylǵanyn habarlaǵan edik.
