Қазақстан Ресейге жүздеген тонна бидай партиясын өз аумағына импорттауға рұқсат бермеді, деп хабарлайды “Адырна” ұлттық порталы ҚР Ауыл шаруашылығы министрлігінің баспасөз қызметіне сілтеп.
«Ағымдағы жылдың 11-12 қыркүйегінде Ресей Федерациясымен шекарада орналасқан Батыс Қазақстан облысының теміржол фитосанитарлық бақылау бекетінде сегіз вагон бидай анықталып, Ресей Федерациясына кері қайтарылды. Саратов және Тула облыстарынан Шымкент қаласына 526 тонна тасымалданды», - делінген сенбі күні хабарламада.
Ауыл шаруашылығы министрлігінде түсіндіргендей, бұл жұмысты өсімдіктер карантині жөніндегі мемлекеттік инспекторлары ҚР ҰҚК ТЖД Жайық шекаралық бақылау бөлімінің әскери қызметкерлерімен бірлесіп жүргізеді.
«Ішкі нарықты қорғау және астықтың реэкспорты фактілерін болдырмау үшін 2024 жылғы 26 шілдеде сыртқы сауда саясаты және халықаралық экономикалық ұйымдарға қатысу жөніндегі ведомствоаралық комиссияның отырысында астықтың импортына тыйым салу туралы шешім қабылданды. Қазақстан аумағы арқылы бидай транзитін қоспағанда, 2024 жылдың 31 желтоқсанына дейін үшінші елдерден және ЕАЭО елдерінен Қазақстан аумағына көліктің барлық түрлерімен бидай тасымалданады», - деп еске салды Ауыл шаруашылығы министрлігі.
Еске сала кетейік, бұған дейін Қытайдан әкелінген көшеттер түрлерінің карантин нормаларына сай келмегендіктен кері қайтарылғанын хабарлаған едік.
