الەمگە تانىمال ءانشى ديماش قۇدايبەرگەننىڭ بالا كەزدە جاتقان بەسىگى مۋزەيگە قويىلدى. بۇل تۋرالى تانىمال جۋرناليست باۋىرجان باباجانۇلى الەۋمەتتىك جەلىدەگى پاراقشاسىندا جازدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، مۋزەيگە قويىلعان بەسىك 1970 جىلى جاسالعان. وعان قۇدايبەرگەنوۆتەر اۋلەتىنىڭ 22 ادامى جاتقان ەكەن.
"قۇدايبەرگەن اعا مىنا بەسىكتى 1970 جىلى قانات ايتباەۆ دۇنيەگە كەلگەندە ارنايى جاساتىپتى. كەيىن ديماش تا وسى بەسىككە بولەنگەن. اكەلى-بالالى ەكەۋى عانا ەمەس، وسى اۋلەتتىڭ 22 ادامىن تەربەگەن قۇتتى بەسىك بۇل! بۇگىن ۇلتتىق مۋزەيدە ديماشتىڭ شىعارماشىلىعىنا ارنالعان كورمە اشىلدى. كورمەگە كەلگەن جۇرتتا ەسەپ جوق. كوبى شەتەلدىكتەر. ولار ءبىزدىڭ ۇلدىڭ ءاربىر باسقان قادامىنا ءۇڭىلىپ جاتىر. كورمە 6 قازانعا دەيىن سوزىلادى. كەلىڭىزدەر، كورىڭىزدەر", - دەپ جازدى باۋىرجان باباجانۇلى.
