Álemge tanymal ánshi Dımash Qudaıbergenniń bala kezde jatqan besigi mýzeıge qoıyldy. Bul týraly tanymal jýrnalıst Baýyrjan Babajanuly áleýmettik jelidegi paraqshasynda jazdy, dep habarlaıdy “Adyrna” ulttyq portaly.
Málimet boıynsha, mýzeıge qoıylǵan besik 1970 jyly jasalǵan. Oǵan Qudaıbergenovter áýletiniń 22 adamy jatqan eken.
"Qudaıbergen aǵa myna besikti 1970 jyly Qanat Aıtbaev dúnıege kelgende arnaıy jasatypty. Keıin Dımash ta osy besikke bólengen. Ákeli-balaly ekeýi ǵana emes, osy áýlettiń 22 adamyn terbegen qutty besik bul! Búgin Ulttyq mýzeıde Dımashtyń shyǵarmashylyǵyna arnalǵan kórme ashyldy. Kórmege kelgen jurtta esep joq. Kóbi sheteldikter. Olar bizdiń uldyń árbir basqan qadamyna úńilip jatyr. Kórme 6 qazanǵa deıin sozylady. Kelińizder, kórińizder", - dep jazdy Baýyrjan Babajanuly.
