ءانشى جەڭىس ىسقاقوۆا اقتوبە قالاسىنا گاسترولدىك ساپارمەن بارىپ، كوڭىلى قالعانىن جازدى، دەپ حابارلايدى "ادىرنا" ۇلتتىق پورتالى.
قازاقستاننىڭ ەڭبەك سىڭىرگەن مادەنيەت قايراتكەرى جەڭىس ىسقاقوۆا جەلىدەگى پاراقشاسىندا اقتوبە قالاسىنىڭ اكىمدىگىنە نارازىلىعىن جەتكىزدى.
"قۇرمەتتى اقتوبەلىك دوستار! قوناقجايلىق پەن سىيلاستىقتارىڭىزعا راقمەت! كوڭىلىمدى تۇسىرگەن ءبىر-اق نارسە، ورتالىق كوشەلەردەگى جولداردىڭ شۇرىق-تەسىگىن كورىپ كوڭىلىم قۇلازىپ تۇر. الەمگە ايگىلى اقتوبەنىڭ جولدارى مۇنداي دەپ ەشكىم ويلاماعان! اكىمدەرىڭ ۆەرتولەتپەن جۇرە مە؟! قالاي ۇيالمايسىزدار؟! قالانىڭ ىشىندەگى جولدارى وسىنداي تەسىك بولسا، سىرت جاقتاعى اۋىل-اۋدانداردىڭ جاعدايىن ايتپاي-اق قويعان دۇرىس شىعار؟! اقتوبە قالاسىنىڭ اكىمشىلىگى، ەكى كۇن بۇرىن قىزىلوردادا بولدىم. ەكولوگيالىق جاعدايى تومەن وبلىستىڭ كوشەلەرى تاپ-تازا، جولدارى تاقتايداي تەگىس. سول جاقتان بارىپ، قالانى قالاي ادەمى ەتۋدىڭ جولدارىن ۇيرەنىپ، شەبەرلىك ساعاتىنا قاتىسىپ كەلىڭىزدەر! مەنىڭ نامىسىم كەلىپ تۇر", – دەلىنگەن ىسقاقوۆاەىڭ جازباسىندا.
ال جەلى قولدانۋشىلارى "دۇرىس ايتاسىز", "جەڭىس، جارايسىز!", "اتىراۋدا دا سولاي، تاڭ قالماڭىز" دەپ جارىسا جازىپ جاتىر.
