قوستاناي وبلىسىندا مەكتەپ قابىرعاسى وپىرىلىپ ءتۇستى، دەپ حابارلايدى “ادىرنا” ۇلتتىق پورتالى ناشا گازەتا-عا سىلتەپ.
«7 قىركۇيەك كۇنى ءۇشىنشى قابات قابىرعاسىنىڭ ءبىر بولىگى وپىرىلىپ ءتۇستى. ايتا كەتۋ كەرەك، ول كەزدە مەكتەپتە بالالار مەن مۇعالىمدەر بولماعان، زارداپ شەككەندەر جوق. وقيعا ورنىندا كوميسسيا جۇمىس ىستەپ جاتىر، تەز ارادا تەحنيكالىق بايقاۋ جۇرگىزىلىپ، قورىتىندى الىنادى. كىنالىلەر جاۋاپقا تارتىلادى. وقۋشىلار قاشىقتىقتان وقىتۋعا كوشىرىلدى»، - دەپ حابارلادى ايماقتىق باسقارمادان.
مالىمەتتەرگە سايكەس، عيماراتقا كۇردەلى جوندەۋ جۇمىستارى 2024 جىلدىڭ ماۋسىم ايىنان بەرى جۇرگىزىلۋدە. وقيعا ورنىندا ءبىلىم باسقارماسىنىڭ، وبلىس اكىمدىگى مەن اۋليەكول اۋدانىنىڭ وكىلدەرى بىرنەشە رەت بولعانى اتاپ ءوتىلدى.
«جوندەۋ جۇمىستارىنىڭ مەرزىمىن كەشىكتىرىپ جاتقان مەردىگەر كومپانيا «پكف گرەنادا» جشس ەكەنى ايتىلدى»، - دەلىنگەن حابارلامادا.
