Qostanaı oblysynda mektep qabyrǵasy opyrylyp tústi, dep habarlaıdy “Adyrna” ulttyq portaly Nasha gazeta-ǵa siltep.
«7 qyrkúıek kúni úshinshi qabat qabyrǵasynyń bir bóligi opyrylyp tústi. Aıta ketý kerek, ol kezde mektepte balalar men muǵalimder bolmaǵan, zardap shekkender joq. Oqıǵa ornynda komıssııa jumys istep jatyr, tez arada tehnıkalyq baıqaý júrgizilip, qorytyndy alynady. Kináliler jaýapqa tartylady. Oqýshylar qashyqtyqtan oqytýǵa kóshirildi», - dep habarlady aımaqtyq basqarmadan.
Málimetterge sáıkes, ǵımaratqa kúrdeli jóndeý jumystary 2024 jyldyń maýsym aıynan beri júrgizilýde. Oqıǵa ornynda bilim basqarmasynyń, oblys ákimdigi men Áýlıekól aýdanynyń ókilderi birneshe ret bolǵany atap ótildi.
«Jóndeý jumystarynyń merzimin keshiktirip jatqan merdiger kompanııa «PKF GRENADA» JShS ekeni aıtyldy», - delingen habarlamada.
