قوستانايدا اكىمنىڭ جينالىسى كەزىندە جارىق ءوشتى، دەپ حابارلايدى "ادىرنا" ۇلتتىق پورتالى الاۋعا سىلتەپ.
اكىمدىكتە جينالىس كەزىندە جارىق سونگەن. كەيىننەن ەلەكتر قۋاتىنىڭ ءسونۋى تۋرالى قوستاناي گەس باسشىسى اكىمگە تۇسىنىكتەمە بەردى.
مۇنداي جاعداي بۇل وڭىردە العاش رەت ەمەس كورىنەدى. سەبەبى تۇرعىندار دا ەلەكتر قۋاتىنا قاتىستى ءجيى شاعىمدانعان.
«بىزدە ەلەكترمەن جابدىقتاۋ تۇراقتى بولۋى كەرەك. قازاندىقتاردا، قالامىزدىڭ بارلىق جەرىندە. سول سياقتى «قوستاناي-سۋ» تۇراقتى بولۋى ءتيىس. ەشقانداي سۇراق بولماۋى كەرەك. سول سەبەپتى قايتا تەكسەرۋ كەرەك. تيىسىنشە، ەمدەۋ مەكەمەلەرى دە ەلەكتر قۋاتىنسىز قالماۋى قاجەت. قالعاندارىنا شىداي الامىز، ال بۇعان كەپىلدىك بەرىلۋى ءتيىس.
اتاپ ايتقاندا، جارىقتىڭ ءوشۋى 10كۆ «زاۆودسكايا-رپ-13» كابەلدىك جەلىسىنىڭ ءۇشىنشى تاراپ ۇيىمىنىڭ ارالاسۋىنا بايلانىستى بولدى. بۇل قالانىڭ ورتالىق بولىگىندە ەلەكتر قۋاتىنا اسەر ەتتى. سونداي-اق، قوستاناي قالالىق ەلەكتر جەلىسى بارلىق جۇمىسىن «ەپك-Forfait» جشس-مەن الدىن الا كەلىسۋ قاجەت ەكەنىن حابارلايدى»، – دەدى باسشى ەسەت اليەۆ.
