قازاقستاننىڭ سىرتقى ىستەر مينيسترلىگى رەسەيدىڭ كۋرسك ايماعىنداعى جاعدايعا بايلانىستى مالىمدەمە جاسادى، دەپ حابارلايدى "ادىرنا" ۇلتتىق پورتالى.
«شىنىندا دا، بۇگىندە بۇكىل الەم رەسەي فەدەراتسياسىنىڭ كۋرسك وبلىسىنىڭ جەكەلەگەن اۋداندارىنداعى جاعدايعا الاڭداۋشىلىقپەن قاراپ وتىر. ءبىز ساياسي-ديپلوماتيالىق قۇرالداردى كەڭىنەن پايدالانىپ، مەملەكەتتەر اراسىنداعى بارلىق قاقتىعىستى تەك بەيبىت جولمەن شەشۋدى قولدايمىز» دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
قازاقستان مەملەكەتتەر اراسىنداعى قاقتىعىس بەيبىت جولمەن توقتاۋى كەرەك دەگەن ۇستانىمدا ەكەنى ايتىلدى.
ەستەرىڭىزگە سالا كەتەيىك، ۋكراينا رەسەيدىڭ 74 ەلدى مەكەنىن باسىپ العان. 6 تامىزدا ۋكراينا قارۋلى كۇشتەرىنىڭ كۋرسك وبلىسىنا شابۋىلى — سوعىس باستالعالى بەرگى رەسەي اۋماعىنداعى ەڭ ءىرى شايقاس.
