Qazaqstannyń Syrtqy ister mınıstrligi Reseıdiń Kýrsk aımaǵyndaǵy jaǵdaıǵa baılanysty málimdeme jasady, dep habarlaıdy "Adyrna" ulttyq portaly.
«Shynynda da, búginde búkil álem Reseı Federaııasynyń Kýrsk oblysynyń jekelegen aýdandaryndaǵy jaǵdaıǵa alańdaýshylyqpen qarap otyr. Biz saıası-dıplomatııalyq quraldardy keńinen paıdalanyp, memleketter arasyndaǵy barlyq qaqtyǵysty tek beıbit jolmen sheshýdi qoldaımyz» dedi Syrtqy ister mınıstrliginiń resmı ókili Aıbek Smadııarov.
Qazaqstan memleketter arasyndaǵy qaqtyǵys beıbit jolmen toqtaýy kerek degen ustanymda ekeni aıtyldy.
Esterińizge sala keteıik, Ýkraına Reseıdiń 74 eldi mekenin basyp alǵan. 6 tamyzda Ýkraına qarýly kúshteriniń Kýrsk oblysyna shabýyly — soǵys bastalǵaly bergi Reseı aýmaǵyndaǵy eń iri shaıqas.
