Қазақстанның Сыртқы істер министрлігі Ресейдің Курск аймағындағы жағдайға байланысты мәлімдеме жасады, деп хабарлайды "Адырна" ұлттық порталы.
«Шынында да, бүгінде бүкіл әлем Ресей Федерациясының Курск облысының жекелеген аудандарындағы жағдайға алаңдаушылықпен қарап отыр. Біз саяси-дипломатиялық құралдарды кеңінен пайдаланып, мемлекеттер арасындағы барлық қақтығысты тек бейбіт жолмен шешуді қолдаймыз» деді Сыртқы істер министрлігінің ресми өкілі Айбек Смадияров.
Қазақстан мемлекеттер арасындағы қақтығыс бейбіт жолмен тоқтауы керек деген ұстанымда екені айтылды.
Естеріңізге сала кетейік, Украина Ресейдің 74 елді мекенін басып алған. 6 тамызда Украина қарулы күштерінің Курск облысына шабуылы — соғыс басталғалы бергі Ресей аумағындағы ең ірі шайқас.
