اقش قۇپيا قىزمەتىنىڭ ديرەكتورى كيمبەرلي چيتل كونگرەستەگى تىڭداۋدا دونالد ترامپقا جاسالعان شابۋىلدى سوڭعى ونجىلدىقتاعى ەڭ ۇلكەن ساتسىزدىك دەپ اتاپ، جاۋاپكەرشىلىكتى ءوز موينىنا الاتىنىن ايتتى، دەپ حابارلايدى “ادىرنا” ۇلتتىق پورتالى BBC-گە سىلتەپ.
“قۇپيا قىزمەتتىڭ قاسيەتتى ميسسياسى - ۇلتىمىزدىڭ كوشباسشىلارىن قورعاۋ. 13 شىلدەدە ءبىز بۇل تاپسىرمانى ورىنداي المادىق. اقش قۇپيا قىزمەتىنىڭ ديرەكتورى رەتىندە مەن كەز كەلگەن قاۋىپسىزدىكتىڭ بۇزىلعانى ءۇشىن تولىق جاۋاپكەرشىلىكتى ءوز موينىما الامىن. قاتەلىك كەتكەنى انىق جانە بۇل ەندى قايتالانباۋى ءۇشىن بار كۇشىمىزدى سالامىز” دەدى ول پالاتانىڭ باقىلاۋ كوميتەتىندەگى شيەلەنىستى تىڭداۋ كەزىندە.
وسىدان كەيىن ارتىنشا ونىڭ ءوز ەركىمەن قىزمەتتەن كەتكەنى جاريالاندى.
ەسكە سالا كەتەيىك، اقش-تىڭ پەنسيلۆانيا شتاتىنداعى باتلەر قالاسىندا سايلاۋالدى ناۋقان كەزىندە دونالد ترامپقا قاستاندىق جاسالعان بولاتىن. 20 جاستاعى توماس مەتيۋ كرۋكس ترامپ سويلەي باستاعاننان بىرنەشە مينۋتتان سوڭ اۆتوماتتان وق جاۋدىردى.
تىڭداۋدى اشقان قاداعالاۋ كوميتەتىنىڭ توراعاسى رەسپۋبليكالىق دجەيمس كومەر وقيعانىڭ الدىن الۋعا بولاتىنىن ايتتى.
