اقش-تىڭ ميننەسوتا شتاتىنداعى برۋكلين-پارك قالاسىندا جەڭىل موتورلى SOCATA TBM 700 ۇشاعى تۇرعىن ۇيگە قۇلاپ، جارىلىپ كەتتى، دەپ حابارلايدى “ادىرنا” ۇلتتىق پورتالى ABC 7 ارناسىنا سىلتەپ.
مالىمەتتەرگە سۇيەنسەك، ۇشقىش پەن جولاۋشىلار قازا تاپقان.
اپات حالىق كوپ شوعىرلانعان اۋداندا بولعان. ابىروي بولعاندا، ۇيدە ەشكىم بولماعاندىقتان، جەرگىلىكتى تۇرعىندار زارداپ شەكپەگەن.
ۇشاقتا قانشا ادامنىڭ بولعانى ناقتى بەلگىسىز، بىراق ادەتتە بۇل اۋە كولىگى التى ادامعا دەيىن تاسىمالداۋعا ەسەپتەلگەن.
اۋە كەمەسى ايوۆا شتاتىنداعى دە-موين حالىقارالىق اۋەجايىنان ۇشىپ شىعىپ، ميننەاپوليس ماڭىنداعى انوكا-بلەين وكرۋگىنە باعىت العان.
تەرگەۋشىلەر اپاتتىڭ تەحنيكالىق اقاۋلاردان بولعانىن نەمەسە ۇشقىشتىڭ ۇشاقتى ادەيى باعىتتاعانىن انىقتاۋدا. قازىرگى ۋاقىتتا وقيعا ورنىندا جەدەل قىزمەتتەر جۇمىس ىستەپ جاتىر.
