اقش-تىڭ ۋكرايناداعى سوعىستى توقتاتۋعا قاتىستى ناقتى، رەسمي جوسپارىنىڭ بولماۋى ەۋروپالىق ساياساتكەرلەردىڭ الاڭداۋشىلىعىن تۋدىرىپ وتىر، دەپ حابارلايدى “ادىرنا” ۇلتتىق پورتالى Reuters اگەنتتىگىنە سىلتەپ.
اگەنتتىك مالىمەتىنشە، ترامپ اكىمشىلىگىنىڭ وكىلدەرىمەن كەزدەسكەننەن كەيىن ەۋروپالىق ساياساتكەرلەر اقش-تىڭ بۇل ماسەلەدە ناقتى ستراتەگياسى جوق دەگەن قورىتىندىعا كەلگەن. ولار اق ۇيدەن ءبىر-بىرىنە قايشى مالىمدەمەلەر ەستىپ وتىرعانىن، بۇل ورتاق جوسپاردىڭ جوقتىعىن كورسەتەتىنىن اتاپ ءوتتى.
ۋكراينا پرەزيدەنتى ۆلاديمير زەلەنسكي دە ترامپ اكىمشىلىگىنىڭ رەسمي جوسپارىنىڭ جوقتىعىن راستادى. ول قازىرگى ۋاقىتتا تەك بەيرەسمي ۇسىنىستار مەن جاريالانىمدار بار ەكەنىن، بىراق رەسمي كەلىسسوزدەر مەن ناقتى ناتيجەلەردىڭ ءالى دە كۇتىلىپ وتىرعانىن مالىمدەدى .
اقش-تىڭ ۇلتتىق قاۋىپسىزدىك جونىندەگى كەڭەسشىسى مايكل ۋولتتس NBC تەلەارناسىنا بەرگەن سۇحباتىندا، جاقىندا اقش-تىڭ جوعارى لاۋازىمدى وكىلدەرى ەۋروپاعا بارىپ، ۋكرايناداعى قاقتىعىستى رەتتەۋ بويىنشا كەلىسسوزدەر وتكىزەتىنىن مالىمدەدى. دەگەنمەن، ناقتى جوسپارلار مەن كەلىسىمدەر تۋرالى اقپارات ءالى جاريالانعان جوق .
ەۋروپا ەلدەرى دە ءوز تاراپىنان ءتۇرلى ۇسىنىستار مەن باستامالاردى قاراستىرۋدا. مىسالى، فرانتسيا مەن پولشا ۋكرايناعا 40 مىڭ جاساقتان تۇراتىن بىتىمگەرلىك كۇشتەرىن ەنگىزۋدى ويلاستىرۋدا. بۇل باستاماعا ماسكەۋ ءۇزىلدى-كەسىلدى قارسىلىق تانىتىپ وتىر.
