AQSh Qupııa qyzmetiniń dırektory Kımberlı Chıtl kongrestegi tyńdaýda Donald Trampqa jasalǵan shabýyldy sońǵy onjyldyqtaǵy eń úlken sátsizdik dep atap, jaýapkershilikti óz moınyna alatynyn aıtty, dep habarlaıdy “Adyrna” ulttyq portaly BBC-ge siltep.
“Qupııa qyzmettiń qasıetti mıssııasy - ultymyzdyń kóshbasshylaryn qorǵaý. 13 shildede biz bul tapsyrmany oryndaı almadyq. AQSh Qupııa qyzmetiniń dırektory retinde men kez kelgen qaýipsizdiktiń buzylǵany úshin tolyq jaýapkershilikti óz moınyma alamyn. Qatelik ketkeni anyq jáne bul endi qaıtalanbaýy úshin bar kúshimizdi salamyz” dedi ol Palatanyń baqylaý komıtetindegi shıelenisti tyńdaý kezinde.
Osydan keıin artynsha onyń óz erkimen qyzmetten ketkeni jarııalandy.
Eske sala keteıik, AQSh-tyń Pensılvanııa shtatyndaǵy Batler qalasynda saılaýaldy naýqan kezinde Donald Trampqa qastandyq jasalǵan bolatyn. 20 jastaǵy Tomas Metıý Krýks Tramp sóıleı bastaǵannan birneshe mınýttan soń avtomattan oq jaýdyrdy.
Tyńdaýdy ashqan Qadaǵalaý komıtetiniń tóraǵasy respýblıkalyq Djeıms Komer oqıǵanyń aldyn alýǵa bolatynyn aıtty.
