ءماجىلىس دەپۋتاتى ەرمۇرات باپي دەنساۋلىعىنا بايلانىستى تاراعان اقپاراتقا جاۋاپ بەردى، دەپ حابارلايدى “ادىرنا” ۇلتتىق پورتالى قازتاگ-قا سىلتەپ.
باق بەتتەرىندە دەپۋتاتتىڭ “ۋلانعانى” تۋرالى اقپاراتتار تاراۋدا. كەيىننەن ەرمۇرات ءباپيدىڭ شەكارا اسىپ، ەۋروپاعا ەم الۋعا كەتكەنى تۋرالى دەرەك جاريالانعان.
الايدا دەپۋتاتتىڭ ءوزى بۇل مالىمەتتى جوققا شىعاردى.
«مەن ءالى ەشقايدا كەتكەن جوقپىن، مەن ەۋروپاداعى كلينيكادان شاقىرۋ كۇتىپ وتىرمىن. ايتىلىپ جاتقاننىڭ ءبارى بولجام. ءۇش-ءتورت كۇن بۇرىن مەن Facebook-تە قولىمنىڭ ىسىنگەن فوتوسۋرەتتەرىن جاريالادىم، سودان كەيىن ولار مەنى باسقا جاققا ەمگە الىپ كەتتى دەگەن اڭگىمە باستالدى»، - دەدى باپي بەيسەنبى كۇنى قازتاگ رەداكتسياسىنا بەرگەن جاۋابىندا.
دەپۋتات قولىنىڭ ءىسىنۋ سەبەپتەرىن انىقتاۋ ءۇشىن بارلىق مەديتسينالىق تەكسەرىستەن وتكەنىن ايتتى. الايدا سىنامالار ىسىكتىڭ نەدەن پايدا بولعانىن انىقتاي الماعان.
دەپۋتات ەۋروپالىق كلينيكالاردىڭ بىرىنە دە تالداۋلار جىبەرگەن. ونىڭ سوزىنشە، دەپۋتات شەتەلدىك اۋرۋحانادان شاقىرتۋ كۇتىپ وتىر.
«جالپى، مەن ءوزىمدى جاقسى سەزىنەمىن، قازىر شيپاجايدامىن، دەمالىستان كەيىن ءوز سايلاۋشىلارىمنىڭ مۇددەسى ءۇشىن جۇمىستى جالعاستىرۋعا نيەتتىمىن – ءبارى جاقسى، الاڭدايتىن ەشتەڭە جوق»، - دەپ اتاپ ءوتتى باپي.
بۇعان دەيىن، دەپۋتات بەلگىسىز دياگنوزبەن اۋىرعانى تۋرالى ايتقان ەدى.
