اقمولا وبلىسىندا ءيتتى قاققان دەپۋتاتقا 18 مىڭ تەڭگە ايىپپۇل سالىندى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
وقيعا 3 مامىردا زەرەندى اۋدانىندا بولعان. اۋداندىق «امانات» پارتياسىنىڭ دەپۋتاتى قايرات اۋعاليەۆ ءيتتى قاعىپ كەتكەن
«زەرەندى اۋدانىنىڭ پوليتسيا ءبولىمى قر اقبتك-ءنىڭ 407-1 بابى (جانۋارلارعا قاتىگەزدىك كورسەتۋ) بويىنشا اكىمشىلىك جاۋاپكەرشىلىككە تارتىلدى»، - دەلىنگەن پوليتسياسىنىڭ حابارلاماسىندا.
دەپۋتاتقا 5 اەك كولەمىندە ايىپپۇل سالىندى، بۇل 18 460 تەڭگەنى قۇرايدى.
«امانات» پارتياسىنىڭ دەپۋتاتى سەرگەي سنەگيرەۆتىڭ ايتۋىنشا، بۇل ءيتتى جاقىن جەردە جۇمىس ىستەيتىن ۇجىم جاقسى كورگەن ەكەن. دەگەنمەن دەپۋتات ارىپتەسىنىڭ بۇل جاعدايعا قاتتى الاڭداماعانىن جازعان.
«ول كولىكتىڭ جولىندا جاتتى، ال دەپۋتات جانۋاردى قورقىتپاۋدى شەشىپ، جاي عانا قوزعالدى. يت ءولدى. وقيعاعا كىنالى ادامنىڭ ءوزى جاعدايعا مۇلدەم الاڭداماعان. ول كولىكتەن ءتۇسىپ، جۇمىس ورنىنا قاراي بەت الدى»، — دەپ جازدى بۇعان دەپۋتات سنەگيرەۆ.
ايتا كەتەيىك، وقيعا كۋاگەرلەرى دە دەپۋتاتتىڭ بۇل ىسىنە نارازىلىق تانىتقان بولاتىن.
