پاۆلوداردا جۇرتتىڭ كوزىنشە ەر ادامدى باۋىزداعان ازاماتقا قاتىستى كورشىلەرى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
16 ماۋسىم كۇنى كەشكى ۋاقىتتا پاۆلوداردا ەر ادام بىرەۋدە كورشىلەرىنىڭ كوزىنشە باۋىزداپ ولتىرگەن تاستاعان. جابىرلەنۋشىنى پىشاقپەن تاماعىنان وسىپ جىبەرگەن بەينەسى تارادى. وقيعا كۋاگەرلەرى جاعدايدىڭ قالاي وربىگەنىن ايتتى.
كۋاگەرلەر ەكى جىل بۇرىن ءدال وسى جەردە ادام ءولىمى بولعانىن ايتتى. ياعني،16 ماۋسىمدا قازا بولعان ەر ادام 2022 جىلدىڭ مامىر ايىندا تانىسىمەن ءبىر ۇيدە تۇرعان. ازامات تانىسىن ابايسىزدا يتەرىپ جىبەرىپ، ءولتىرىپ قويعان. ول وسى قىلمىسى ءۇشىن 1,5 جىل تۇرمەدە وتىرعانى بەلگىلى بولىپتى.
"وقيعا ەكى جىل بۇرىن بولعان. ەر ادامدار ىشىمدىك ءىشىپ وتىرعان، ول ابايسىزدا ءبىر ادامدى يتەرىپ جىبەرىپ، قايتىس بولعان. ال 16 ماۋسىم كۇنى مارقۇمدى باۋىزداعان ادام "جۇمانىڭ كەگىن الدىم" دەپ ايتتى دەدى”، – كۇدىكتىنىڭ كورشىسى.
پاۆلودار تۇرعىنىن ءولتىردى دەگەن كۇدىكتىنى پوليتسەيلەر ۇستاعان. ءتىپتى باۋىزداعان ەر ادامنىڭ جاسىرىنۋ نيەتى بولماعانىن دا ايتادى.
