بۇگىن قاراعاندى وبلىسى، قاراقارالى اۋدانى، قوياندى اۋىلى ماڭىندا قۇرعاق 40 گا ءشوپ ورتەندى، دەپ حابارلايدى «ادىرنا» ۇلتتىق پورتالى.
ءسوندىرۋ بارىسىندا ءوڭىردىڭ تجد ەكى قىزمەتكەرى، ورتكە قارسى ەرىكتى قۇرلىمنىڭ ءبىر قىزمەتكەرى جانە اۋىل تۇرعىنى زارداپ شەكتى. ولار اۋرۋحاناعا جەتكىزىلدى.
تۇستەن كەيىن ءورت پاۆلودار وبلىسىنىڭ شەكاراسىنان "باياناۋىل مەملەكەتتىك ۇلتتىق تابيعي پاركىنىڭ" ورمانسىز اۋماعىنا ءوتتى. ءورتتىڭ سالدارىنان جەلتاۋ اۋىلىنىڭ 18 تۇرعىنى ەۆاكۋاتسيالاندى.
قر تجم كوماندالىق ورتالىعىندا شتاب اشىلدى. مۇندا تج جونىندەگى ۆيتسە-مينيستر ەران نۇرپەيىسوۆ جانە قاراعاندى وبلىسىنىڭ اكىمى ەرماعانبەت بولەكپاەۆ بار. ءورت ورنىندا 183 ادام، 56 بىرلىك تەحنيكا جانە 4 تىكۇشاق جۇمىس ىستەۋدە.
ء"ورتتى ءسوندىرۋ قاتتى ەكپىندى جەلمەن، تاۋلى جەرلەرمەن جانە ءورت وشاقتارىنا كىرمە جولداردىڭ بولماۋىمەن قيىندايدى", – دەپ حابارلادى تجم.
