ۇكىمەتە پاۆلودار مەن قاراعاندى وبلىسىنداعى دالا ءورتى ماسەلەسى شۇعىل قارالدى، دەپ حابارلايدى “ادىرنا” ۇلتتىق پورتالى.
توتەنشە جاعدايلار ءمينيسترى شىڭعىس ءارىنوۆتىڭ ايتۋىنشا، دالا ءورتىن وشىرۋگە اباي، اقمولا جانە استانا قالالارىنان قوسىمشا كۇشتەر تارتىلدى. سونداي-اق، وقيعا ورنىنا قورعانىس مينيسترلىگى مەن ۇلتتىق ۇلاننىڭ اۋە كەمەلەرى ۇشىپ باردى.
“پاۆلودار وبلىسى تاراپىنان جەلتاۋ اۋىلىنىڭ 18 تۇرعىنى كورشى اۋىلدىڭ ەۆاكۋاتسيالىق پۋنكتىنە ەۆاكۋاتسيالاندى. قازىرگى ۋاقىتتا پاۆلودار وبلىسىنىڭ اۋماعىنداعى دالا ءورتى تولىقتاي وقشاۋلاندى. بۇگىن دە قاراعاندى وبلىسى بويىنشا وسىنداي ناتيجەگە قول جەتەمىز دەگەن ويدامىز”،- دەدى ءارىنوۆ.
ول بارلىق قاجەتتى ءىس-شارالار قابىلدانىپ جاتقانىن ايتتى.
“سونىمەن قاتار بۇگىن تۇندە رەسەي جاعىنان قوستاناي وبلىسىنىڭ جەتىقارا اۋدانىنا 500 گا.دالا ءورتى بولىپ، دەر كەزىندە ءسوندىرىلدى”،- دەپ اتاپ كورسەتتى مينيستر.
