مەملەكەت باسشىسى قاسىم-جومارت توقاەۆ جانە اباي وبلىسىنىڭ اكىمى اسا كورنەكتى مەملەكەت جانە قوعام قايراتكەرى، مادەنيەتتانۋشى، شىعىستانۋشى عالىم، I دارەجەلى «بارىس» وردەنىنىڭ يەگەرى، ديپلومات مۇرات مۇحتارۇلى اۋەزوۆتىڭ دۇنيەدەن وتۋىنە بايلانىستى ونىڭ وتباسى مەن جاقىن تۋىستارىنا كوڭىل ايتتى، دەپ حابارلايدى “ادىرنا” ۇلتتىق پورتالى.
“مۇرات مۇحتارۇلى ۇلت رۋحانياتىنىڭ العا باسۋىنا، قازاق عىلىمىنىڭ كوكجيەگىن كەڭەيتۋگە بار سانالى عۇمىرىن ارناعان زيالى، پاراساتتى تۇلعا ەدى. قازاق ادەبيەتى مەن مادەنيەتىن، تاريحىن تەرەڭ زەردەلەپ، سوڭىنا ولشەۋسىز مول مۇرا قالدىردى. قازاقستاننىڭ حالىقارالىق دارەجەدەگى بەدەلىنىڭ ارتۋىنا ءوزىنىڭ ساياسي-قوعامدىق ىستەرىمەن زور ۇلەس قوستى. عيبراتتى عۇمىر كەشىپ، كەمەل دە كەمەڭگەر اكە جولىن لايىقتى جالعاعان مۇرات مۇحتارۇلىنىڭ جارقىن بەينەسى مەن قادىرلى ەسىمى حالقىمىزدىڭ جۇرەگىندە ماڭگى ساقتالادى. مارقۇمنىڭ يمانى سالامات، جانى ءجانناتتا بولسىن”، – دەپ جازىلعان پرەزيدەنت جەدەلحاتىندا.
اباي وبلىسى اكىمىنىڭ كوڭىل ايتۋى اكىمدىكتىڭ Facebook-تەگى پاراقشاسىندا جاريالاندى:
«بەلگىلى جازۋشى، مəدەنيەتتانۋشى-عالىم، قازاقستان رەسپۋبليكاسىنىڭ ەڭبەك سىڭىرگەن قايراتكەرى مۇرات مۇحتارۇلى Əۋەزوۆتىڭ قايتىس بولعانى تۋرالى سۋىق حاباردى زور كۇيزەلىسپەن قابىلداپ، بارشا اباي ەلىنىڭ اتىنان وتباسى مەن جاقىندارىنا قايعىرا كوڭىل ايتامىن. مۇرات مۇحتارۇلى ۇلتتىق مəدەنيەتىمىزدىڭ دامۋى مەن حالقىمىزدىڭ رۋحاني كەمەلدەنۋىنە ەڭبەك سىڭىرگەن قايراتكەر، اسىلدىڭ سىنىعى، تەكتىنىڭ جالعاسى بولعان دارا تۇلعا ەدى. ول ءومىرىنىڭ سوڭىنا دەيىن قوعامدىق شارالارعا بەلسەنە ارالاسىپ، وزىنە عانا تəن ازاماتتىق ۇستانىمىن كورسەتە ءبىلدى. مۇرات مۇحتارۇلىنىڭ قۇندى شىعارمالارى، يگى ىستەرى مەن جارقىن بەينەسى قازاق ەلىنىڭ جادىندا مəڭگى ساقتالارى انىق. مارقۇمنىڭ جاتقان جەرى جارىق، توپىراعى تورقا، يمانى سالامات بولسىن” دەپ جازدى نۇرلان ۇرانحاەۆ.
