قىزىلوردادا دەنە شىنىقتىرۋ ءپانى مۇعالىمىن ءولتىردى دەگەن كۇدىكپەن سول مەكتەپتىڭ ۇستازى ۇستالدى. اقپاراتتى قىزىلوردا وبلىستىق پوليتسيا دەپارتامەنتىنىڭ ءباسپاسوز قىزمەتى راستادى، دەپ حابارلايدى “ادىرنا” ۇلتتىق پورتالى.
جەلىدە قىزىلوردادا قالا مەكتەپتەرىنىڭ ءبىرىنىڭ مۇعالىمى ءوز ارىپتەسى – دەنە شىنىقتىرۋ ءپانىنىڭ مۇعالىمىن ولتىرگەنى تۋرالى اقپارات تاراپ جاتىر.
اقپاراتقا سايكەس، 2 ماۋسىمعا قاراعان ءتۇنى ەكى ازامات ەرەگىسىپ، ارتى توبەلەسكە ۇلاسقان. جانجال كەزىندە بىرەۋى ەكىنشىسىنىڭ مويىن تۇسىنا پىشاق سۇعىپ العان. مەرتىككەن 35 جاستاعى قالا تۇرعىنى جەدەل-جاردەم كەلگەنشە قايتىس بولدى. بەلگىلىسى ەكەۋى دە دەنە شىنىقتىرۋ ءپانىنىڭ مۇعالىمدەرى.
پوليتسيا بۇل دەرەككە قاتىستى قىلمىستىق ءىس قوزعالىپ، ساراپتامالار تاعايىندادى.
«وقيعانىڭ ءمان-جايى انىقتالۋدا، كۇدىكتى قاماۋعا الىندى. تەرگەۋ مۇددەسى ءۇشىن باسقا اقپارات جاريا ەتىلمەيدى» دەپ اتاپ ءوتتى دەپارتامەنتتىڭ ءباسپاسوز قىزمەتى.
ۆەدومستۆونىڭ مالىمەتىنشە، ەكى مەكتەپ قىزمەتكەرى دە 31 مامىردا ەڭبەك دەمالىسىنا شىققان. وقيعانىڭ ءمان-جايى انىقتالۋدا.
