ءۇش بالاسى قالدى. قىزىلوردا تۇرعىنىن اسا قاتىگەزدىكپەن ءولتىرىپ كەتكەن

تۋىستارى جىگىتتىڭ كوز جۇمعانىنا 3 كۇن وتسە دە، تەرگەۋشىلەردەن بىردە-ءبىر حابار جوق ەكەنىن ايتتى. ولار تەرگەۋگە كۇمان كەلتىرىپ، شاعىمدانۋدا.

«قازىر كەلەدى دەپ جاتتىم. ساعات 4 بولدى. تۇرسام، قاسىمدا جوق. مىنا كىسى ءالى كەلمەگەن بە دەپ، ماشيناسىنا قارادىم. ماشيناسى ول جوق. 4-5 ادامدى جالداعان. باسىنان ەكى وقپەن اتقان. اسقان قاتىگەزدىكپەن ولتىرگەنىمەن قويماي، دەنەسىن قاسىنداعى كانالعا لاقتىرىپ كەتكەن»، - دەيدى مارقۇمنىڭ جۇبايى ۇلپان نۇرلىباەۆا.

قايعىدان قان جۇتقان وتباسى ناۋرىزبەكتى ءوزىنىڭ تانىستارى ولتىرگەنىنە سەنىمدى.

«بىرنەشە ادام، جوق دەگەندە 4-5 ادامنىڭ قاتىسى بار. سول ادامداردىڭ ءبارىنىڭ تابىلىپ، قاتاڭ جازامەن سوتتالۋىن تالاپ ەتەمىز»، - دەدى مارقۇمنىڭ اكەسى اسىلحان داۋىلبەكوۆ.

پوليتسيا قىلمىستىق ىسكە قاتىستى ەكى كۇدىكتىنىڭ قاماۋعا الىنعانىن حابارلادى. وزگە مالىمەتتەر جاريا ەتىلمەيدى.