Qyzylordada dene shynyqtyrý páni muǵalimin óltirdi degen kúdikpen sol mekteptiń ustazy ustaldy. Aqparatty Qyzylorda oblystyq polıııa departamentiniń baspasóz qyzmeti rastady, dep habarlaıdy “Adyrna” ulttyq portaly.
Jelide Qyzylordada qala mektepteriniń biriniń muǵalimi óz áriptesi – dene shynyqtyrý pániniń muǵalimin óltirgeni týraly aqparat tarap jatyr.
Aqparatqa sáıkes, 2 maýsymǵa qaraǵan túni eki azamat eregisip, arty tóbeleske ulasqan. Janjal kezinde bireýi ekinshisiniń moıyn tusyna pyshaq suǵyp alǵan. Mertikken 35 jastaǵy qala turǵyny jedel-járdem kelgenshe qaıtys boldy. Belgilisi ekeýi de dene shynyqtyrý pániniń muǵalimderi.
Polıııa bul derekke qatysty qylmystyq is qozǵalyp, saraptamalar taǵaıyndady.
«Oqıǵanyń mán-jaıy anyqtalýda, kúdikti qamaýǵa alyndy. Tergeý múddesi úshin basqa aqparat jarııa etilmeıdi» dep atap ótti departamenttiń baspasóz qyzmeti.
Vedomstvonyń málimetinshe, eki mektep qyzmetkeri de 31 mamyrda eńbek demalysyna shyqqan. Oqıǵanyń mán-jaıy anyqtalýda.
