قىرعىزستاننىڭ سوزاق اۋدانىنداعى 29 وقۋشىنى قاعىپ كەتكەن جۇك كولىگىنىڭ جۇرگىزۋشىسى ۇستالدى. بۇل تۋرالى ەلدىڭ ىشكى ىستەر مينيسترلىگى ايتتى، دەپ حابارلايدى «ادىرنا» ءتىلشىسى.
كۇدىكتىنىڭ 48 جاستاعى جەرگىلىكتى تۇرعىن ەكەنى انىقتالدى. ەر ادام كولىگىن تۇراققا قويعان، الايدا ونىڭ قوزعالتقىشىن وشىرمەگەن. سالدارىنان «پورتەر» جۇك كولىگى ىلديعا قاراي قۇلديلاپ، بالالاردى قاعىپ كەتكەن.
دەنساۋلىق ساقتاۋ مينيسترلىگى زارداپ شەككەندەر سانىنىڭ 25-تەن 32-گە دەيىن وسكەنىن مالىمدەدى. ولاردىڭ اراسىندا ءبىر مۇعالىم بار. اۋرۋحاناداعى 9 بالانىڭ تورتەۋى جانساقتاۋ بولىمىندە جاتىر، جاعدايى اۋىر.
ايتا كەتەيىك، وقىس وقيعا 2 مامىر كۇنى جالالاباد وبلىسىندا بولعان ەدى. قازىرگى تاڭدا بۇل ءىستى ۇلتتىق قاۋىپسىزدىك مەملەكەتتىك كوميتەتىنىڭ باسشىسى قامشىبەك تاشيەۆ پەن ءىىم باسشىسىنىڭ ورىنباسارى وكتيابر ۋرمانبەتوۆ باقىلاۋعا الدى.
