موڭعوليانىڭ ۇلى مەملەكەتتىك حۋرالىنىڭ پلەنارلىق وتىرىسىندا جاڭا پرەمەر-ءمينيستردى تاعايىنداۋ ماسەلەسى قارالدى، دەپ حابارلايدى "ادىرنا" ۇلتتىق پورتالى.
پرەمەر-ءمينيستردى تاعايىنداۋ تۋرالى ۇسىنىستى پرەزيدەنت ۋحنااگين حۋرەلسۋح پلەنارلىق وتىرىستا ەنگىزدى.
ول 2024 جىلعى پارلامەنتتىك سايلاۋدا كوپشىلىك ورىنعا يە بولعان موڭعول حالىق پارتياسى 2026 جىلعى 29 ناۋرىزدا نيام-وسورىن ۋچرالدىڭ كانديداتۋراسىن پرەمەر-مينيستر قىزمەتىنە ۇسىنعانىن اتاپ ءوتىپ، ونىڭ قىسقاشا ءومىربايانىن تانىستىردى.
مەملەكەت باسشىسى ن. ۋچرالدىڭ 2010 جىلدان بەرى مەملەكەتتىك بيلىكتىڭ ساياسي، زاڭ شىعارۋشى جانە اتقارۋشى ورگاندارىندا جۇمىس تاجىريبەسى بار ەكەنىن ايتىپ، ونىڭ جوعارى مەملەكەتتىك قىزمەتتى اتقارا الاتىنىنا تولىق سەنىم ءبىلدىردى.
ۇلى مەملەكەتتىك حۋرالدىڭ مەملەكەتتىك قۇرىلىس جونىندەگى تۇراقتى كوميتەتىنىڭ توراعاسى تس. سانداگ-وچير اتالعان ۇسىنىستى كوميتەت وتىرىسىندا تالقىلاۋ قورىتىندىسى بويىنشا ازىرلەنگەن قورىتىندىنى تانىستىردى.
پرەزيدەنتتىڭ ۇسىنىسى مەن تۇراقتى كوميتەتتىڭ قورىتىندىسىنا بايلانىستى ۆگح دەپۋتاتتارى ن. ۋچرالعا سۇراقتار قويىپ، ولارعا جاۋاپ بەردى. سونداي-اق دەپۋتاتتار قىزمەتكە كىرىسكەننەن كەيىن قارالۋى ءتيىس ماسەلەلەر بويىنشا ۇسىنىستار مەن پىكىرلەر ءبىلدىردى.
وتىرىس بارىسىندا دەموكراتيالىق پارتيانىڭ پارلامەنتتىك فراكتسياسىنىڭ توراعاسى و. تسوگتگەرەل قارالىپ جاتقان ماسەلەلەرگە بايلانىستى ءبىر كۇندىك ءۇزىلىس سۇرادى. الايدا ۇكىمەتتى جەدەل قالىپتاستىرۋ جانە مەملەكەتتىك باسقارۋدىڭ تۇراقتىلىعىن قامتاماسىز ەتۋ قاجەتتىلىگى ەسكەرىلىپ، ءبىر ساعاتتىق ءۇزىلىس جاريالاندى.
ۇزىلىستەن كەيىن پلەنارلىق وتىرىس جالعاسىپ، دەپۋتاتتار قوسىمشا سۇراقتار قويدى. سوڭىندا داۋىس بەرۋ ءوتىپ، ونىڭ ناتيجەسى بويىنشا ن. ۋچرال كوپشىلىك داۋىسپەن موڭعوليانىڭ 35-ءشى پرەمەر-ءمينيسترى بولىپ سايلاندى.
