سىرتتاي سوتتالعان. Astana LRT باسشىسى انتاليادا ۇستالدى

1263
Adyrna.kz Telegram
https://adyrna.kz/content/uploads/2024/11/photo-output-20-960x500.jpeg?token=768da250032c931e6da9070f5c38b092

تۇركيادا Astana LRT كومپانياسىنىڭ بۇرىنعى باسشىسى تالعات اردان ۇستالدى. بۇل تۋرالى بۇگىن قر ۇلتتىق قاۋىپسىزدىك كوميتەتىنىڭ (ۇقك) ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پوريالى.

ايتا كەتسەك، 2019 جىلعى قىركۇيەكتە قازاقستان رەسپۋبليكاسىنىڭ باس پروكۋراتۋراسى تۇركيانىڭ ادىلەت مينيسترلىگىنە حالىقارالىق ىزدەۋدە جۇرگەن "استانا LRT" جشس-ءنىڭ بۇرىنعى باسشىسى، قازاقستان ازاماتى تالعات ارداندى ۇستاپ بەرۋ تۋرالى سۇراۋ جىبەرگەن بولاتىن.

وسىعان بايلانىستى تۇركيا رەسپۋبليكاسىنىڭ قۇزىرلى ورگاندارى ءتيىستى ىزدەستىرۋ شارالارىن جۇرگىزگەن.

بيىلعى جىلى ۇقك ونىڭ ناقتى بولعان جەرىن انىقتادى، سودان كەيىن تۇركيانىڭ قۇقىق قورعاۋ ورگاندارى انتاليا قالاسىندا ۇستادى.

"2025 جىلدىڭ 9 مامىرىندا انتاليا قالاسىنىڭ سوتى

ت.ارداندى قازاقستانعا دەپورتاتسيالاۋ تۋرالى شەشىم قابىلدادى جانە ول قازىرگى ۋاقىتتا قاماۋدا. قازاقستاننىڭ قۇزىرەتتى ورگاندارى اتالعان ادامدى قازاقستانعا قايتارۋ بويىنشا قۇقىقتىق راسىمدەردى باستادى، دەلىنگەن ۇقك ءباسپاسوز قىزمەتى حابارلاماسىندا.

“چەمودان گوسسەكرەتاروۆ” تەلەگرام ارناسىنىڭ مالىمەتىنشە، تالعات ارداننىڭ تۇركيادا تۇتقىندالىپ، قازاقستانعا ەكستراديتسيالانۋى، ول جەردە تۇرمەگە قامالۋى Astana LRT باسشىلىعىنىڭ «كرىشاسى» بولعان كەيبىر جوعارى لاۋازىمدى شەنەۋنىكتەردىڭ تەرگەۋىنە قىزىقتى اقپاراتتاردىڭ اشىلۋىنا ىقپال ەتپەك.

ەستەرىڭىزگە سالا كەتەيىك، بۇعان دەيىن استانا قالاسىنىڭ سوتى ارداندى قىلمىستىق كودەكستىڭ 189-بابى 4-بولىگى جانە 361-بابى 4-بولىگى بويىنشا كىنالى دەپ تانىپ، سىرتتاي 9 جىلعا باس بوستاندىعىنان ايىرعان.

پىكىرلەر