رەسەيلىك تاريحشى، كرەمل ساياساتىنىڭ ۇگىت-ناسيحاتشىسى ميحايل سمولين «مەستو ۆسترەچي» توك-شوۋىندا 1917 جىلعى رەۆوليۋتسياعا دەيىن قازاقتار دا، وزبەكتەر دە ۇلت رەتىندە بولماعانىن ايتتى، دەپ حابارلايدى "ادىرنا" ۇلتتىق پورتالى. بۇل تۋرالى نتۆ ارناسىنداعى باعدارلامادا مالىمدەدى.
تاريحشى 1917 جىلعى رەۆوليۋتسياعا دەيىن قازاقتار مەن وزبەكتەردىڭ «مۇلدەم» بولماعانىن ايتتى.
"قازاقستان قالاي پايدا بولدى؟ راسىندا، العاشىندا رسفسر قۇرامىندا كازاكى سسر دەپ اتالدى، قازاقتار مۇلدەم بولماعان. ودان كەيىن كازاكى سسر ىشىنەن قىرعىز اسر قۇرىلىپ، رسفسر قۇرامىنان ءبولىنىپ شىقتى. وندا ۇلتتاردىڭ قۇرىلۋى تۋرالى شەشىمدەر وسىلايشا ۆوليۋتاريستىك تۇردە قابىلدانعان. مىسالى، وزبەكتەر رەۆوليۋتسياعا دەيىن بولماعان، ءتىپتى ونداي ەتنيكالىق اتاۋ بولماعان. سونى الىپ، بىرنەشە ورتالىق ازيا حالىقتارىنان وزبەكتەردى قۇراپ شىعاردى»، - دەدى سمولين.
بۇعان دەيىن، رەسەيلىك تەلەجۇرگىزۋشى ءارى پروديۋسەر تينا كاندەلاكي دە قازاقستانداعى تەمىرجول ۆوكزالدارىنىڭ اتاۋىن وزگەرتۋدى سىناپ، ەلدە ورىس ءتىلىن مەملەكەتتىك دەڭگەيدە ىعىستىرۋ باياۋ، بىراق سەنىمدى تۇردە جالعاسىپ جاتقانىن ايتتى. بۇدان كەيىن قازاقستاندىق جۋرناليست دينارا ءساتجان ارانداتۋشىلىق مالىمدەمەگە جاۋاپ بەرىپ، «ءوز دەگەنىمەن باسقا بىرەۋدىڭ "حاندىعىنا" ارالاسپاۋ كەرەكتىگىن» اتاپ ءوتتى.
وسىدان كەيىن كاندەلاكي تاعى ءۇنسىز قالماي، قازاق حالقىنا رەسەيدىڭ قاڭتار وقيعاسى كەزىندەگى كومەگىن ەسكە سالدى. ايتا كەتۋ كەرەك، ەندى وعان قازاقستانعا كىرۋگە تىيىم سالىنباق.
ۆيدەو: رەسەيلىك تاريحشى ميحايل ءسموليننىڭ دەگەندەرىن 42 مينۋتتان ءارى كورۋگە بولادى
