"پاۋتينادان" سوڭ. ستراتەگيالىق نىساندارعا شابۋىلداعاندار قازاقستانعا قاشقان - رەسەيلىك باق

1333
Adyrna.kz Telegram

رەسەيلىك بۇقارالىق اقپارات قۇرالدارى رەسەيلىك اسكەري اەرودرومدارعا جاسالعان شابۋىلدارعا قاتىسى بار كۇدىكتىلەردىڭ قازاقستانعا كەتكەنى تۋرالى اقپارات تاراتىپ جاتىر، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.

Mash Telegram-ارناسى تاراتقان مالىمەتكە سايكەس، ۋكراينا ازاماتى ارتەم تيموفەەۆ پەن ونىڭ جۇبايى ەكاتەرينا تيموفەەۆا 28 مامىر كۇنى قازاقستانعا كولىكپەن وتكەن بولۋى مۇمكىن. ولار شەكارادان وتكەننەن كەيىن الەۋمەتتىك جەلىلەرىندەگى پاراقشالارىن ءوشىرىپ، بايلانىسقا شىقپاعان. Mash بۇل جۇپتىڭ استاناعا جول جۇرگەنىن، وزدەرىنىڭ Telegram-كانالىندا «يت پەن مىسىعىمىزدى الىپ، استاناعا بارامىز» دەپ جازعانىن حابارلادى.

«ولار قوناقۇيگە ورنالاسقانى تۋرالى جازبا قالدىرىپ، كەيىن ەشقانداي مالىمەت تاراتپاعان. Telegram ارنالارىن جويىپ جىبەرگەن»، – دەلىنگەن رەسەيلىك اقپارات قۇرالىندا.

بۇل اقپارات 2025 جىلعى 1 ماۋسىمدا ۋكراينا سىرتقى بارلاۋ قىزمەتى ىسكە اسىرعان اۋقىمدى «ورمەك» اسكەري وپەراتسياسىمەن بايلانىستى تاراۋدا. وپەراتسيا بارىسىندا FPV-دروندار ارقىلى رەسەيدىڭ ىشكى اۋماعىنداعى ءتورت ستراتەگيالىق اسكەري اەرودرومعا سوققى بەرىلگەن. ۋكراينا تاراپىنىڭ مالىمەتىنشە، تۋ-95, تۋ-22م3 جانە ا-50 سىندى 40-تان اسا ستراتەگيالىق اۋە كەمەسى زاقىمدانعان نەمەسە جويىلعان. بۇل رەسەي اسكەري اۆياتسياسىنا جاسالعان ەڭ ءىرى سوققى رەتىندە سيپاتتالۋدا.

وسى جاعدايعا قاتىستى قازاقستاندىق اسكەري ساراپشى دارحان دانياروۆ 3 ماۋسىم كۇنى پىكىر ءبىلدىرىپ، «قازاقستان اۋماعى ارقىلى وپەراتسياعا قولداۋ كورسەتىلدى» دەگەن مالىمدەمەلەردى نەمەسە ديلەتانتتىق، نەمەسە قاساقانا اقپاراتتىق ارانداتۋ دەپ باعالادى.

قازاقستان ازىرگە بۇل ماسەلەگە قاتىستى رەسمي مالىمدەمە جاسامادى.

Реклама
  • ИП Попов А.П.
  • ИНН: 602715631406
Диалог бабушки и внучки! Такое видео вызывает смех сквозь слезы…
Реклама
  • ИП Попов А.П.
  • ИНН: 602715631406
97-летний кардиолог: "Если давление выше 130\90, выпейте 2 ложки…
Реклама
  • ИП Попов А.П.
  • ИНН: 602715631406
У мужчин челюсти отвалились, когда они увидели ее страстный танец
پىكىرلەر