الماتىداعى ستوماتولوگيالىق ەمحانادا 13 مىڭعا جۋىق ۆەيپ انىقتالدى، دەپ حابارلايدى "ادىرنا" ۇلتتىق پورتالى قر ءىىم رەسمي ينتەرنەت-رەسۋرسىنا سىلتەپ.
«ءتىنتۋ كەزىندە ەمحانا قويماسىنان 13 مىڭعا جۋىق ۆەيپ تابىلدى»، - دەلىنگەن حابارلامادا.
ارنايى وپەراتسيالىقتاردىڭ مالىمەتىنشە، ستوماتولوگيالىق ەمحانالاردىڭ بىرىندە ەلەكتروندى تەمەكىنىڭ زاڭسىز اينالىمى انىقتالدى.
الماتى قالالىق پوليتسيا دەپارتامەنتىنىڭ ەكسترەميزمگە قارسى كۇرەس باسقارماسىنىڭ باسشىسى اسحات داۋلەتياروۆتىڭ ايتۋىنشا، بۇرىن زاڭسىز ويىن بيزنەسىن ۇيىمداستىرعانى ءۇشىن سوتتالعان 32 جاستاعى ەر ادام ۇستالىپ، ەلەكتروندى تەمەكىنىڭ زاڭسىز اينالىمىن تاراتاتىنىن مويىنداعان.
«ونىڭ ايتۋىنشا، ول زاڭسىز بايۋ ماقساتىندا دوسىنىڭ ەمحاناسىندا ۋاقىتشا ساقتاۋ ءۇشىن قويما ۇيىمداستىرىپ، تىيىم سالىنعان ۆەيپينگ قۇرالدارىن جاسىرىن ساتۋمەن اينالىسقان. اتالعان فاكتى بويىنشا مەدەۋ اۋداندىق پوليتسيا ءبولىمى قىلمىستىق ءىس قوزعاپ جاتىر»، — دەدى اسحات داۋلەتياروۆ.
