17 شىلدە كۇنى الماتىدا ەر ادام ۇلىمەن توبەلەسكەن 8 جاستاعى بالانى سوققىعا جىققان. بۇل تۋرالى جابىرلەنۋشىنىڭ اكەسى الەۋمەتتىك جەلىگە ۆيدەو جاريالادى، دەپ حابارلايدى “ادىرنا” ۇلتتىق پورتالى.
“17 شىلدە كۇنى ساعات 18.00-19.00 ارالىعىندا مەنىڭ 8 جاستاعى ۇلىم اۋلادا ويناپ
جۇرگەن. ويناپ ءجۇرىپ كورشى بالامەن ەرەگىسىپ قالادى. سول كورشى بالانىڭ اكەسى كەلىپ بالامدى اياۋسىز، قاتىگەزدىكپەن باسىنان 2-3 رەت ۇرىپ سوققىعا جىعادى. ۇلىم العان سوققىدان باسى اينالىپ قۇلاپ، ورنىنان تۇرعان ساتتە، سول اياعىنان ساموكاتپەن ۇرادى.
كوشەدە ءوتىپ بارا جاتقان ادامدار ۇلىما جاقتاسىپ، امان الىپ قالدى. سول جەردە بالاسىمەن ءوتىپ بارا جاتقان انا، بالامدى اگرەسسيامەن، ۇرىپ قورقىتىپ، ايقايلاپ جاتقانىن ەر ادامدى كورىپ ۆيدەوعا ءتۇسىرىپ، ۇلىمدى ۇيگە جەتەكتەپ الىپ كەلدى” دەلىنگەن جازبادا.
الىنعان سوققىدان 8 جاستاعى ەر بالانىڭ اياعى سىنعان.
“الىنعان سوققىدان بالامنىڭ اياعى سىندى. دەنەسى كوگەرىپ، قول اياقتارى سىرىلعان. قاتتى كۇيزەلىسكە ۇشىرادى.
ۇلىم ەركىن كۇرەستەن قر تۋرنيرلەرىنىڭ چەمپيونى. باپكەرىمىزدىڭ ءۇمىت ارتقان سپورتشىسى. تىزە سىنعاندىقتان، ەندى سپورتقا بارا المايدى.
بالامنىڭ بولاشاعىڭ، قانشاما تەر توككەن ەڭبەگىن تارتىپ الدى”، دەلىنگەن جازبادا.
