الماتىدا ارزان تاريفپەن اۋە بيلەتتەرىن راسىمدەگەنىن مالىمدەگەن Air Astana اۋە كومپانياسىنىڭ ەكس-قىزمەتكەرلەرىنە قاتىستى سوت ۇكىمى شىقتى، دەپ حابارلايدى "ادىرنا" ۇلتتىق پورتالى.
الماتى قالالىق سوتىنىڭ مالىمەتىنشە، قىلمىستىق ءىس المالى اۋداندىق سوتىندا قارالعان. سوت ە.، ي. جانە ا. ەسىمدى بۇرىنعى قىزمەتكەرلەردى سەنىپ تاپسىرىلعان اقشانى يەمدەنۋ جانە ۇرلاۋ، سونداي-اق قىلمىستىق جولمەن الىنعان قاراجاتتى زاڭداستىرۋ باپتارى بويىنشا كىنالى دەپ تانىدى.
سوتتا انىقتالعانداي، 2019–2024 جىلدار ارالىعىندا ە. مەن ي. مەنەدجەر رەتىندە، ال ا. دەپارتامەنت ديرەكتورى رەتىندە قىزمەت اتقارىپ، اۋە كومپانياسىنىڭ قارجىسىن يەمدەنگەن. ۇرلانعان قاراجاتقا جىلجىمالى جانە جىلجىمايتىن مۇلىك ساتىپ الىنعان.
سوتتالۋشىلار ءوز كىناسىن مويىنداماعان. پروكۋرور مەن جابىرلەنۋشى تاراپ باس بوستاندىعىنان ايىرۋ جازاسىن سۇراعان.
سوت ۇكىمىمەن ي. جانە ا. 8 جىلعا، ال ە. 9 جىلعا باس بوستاندىعىنان ايىرىلىپ، مۇلىكتەرى تاركىلەندى.
جازا تاعايىنداۋ كەزىندە سوت قىلمىستىڭ العاش رەت جاسالعانىن جانە سوتتالۋشىلاردىڭ ارقايسىسىنىڭ ەكى كامەلەتكە تولماعان بالاسى بارىن ەسكەرگەن. اۋىرلاتاتىن ءمان-جايلار انىقتالعان جوق.
سوت ۇكىمى زاڭدى كۇشىنە ەنگەن جوق.
