ۇساق بۇزاقىلىق جاساعانى ءۇشىن 15 تاۋلىككە قاماۋعا الىنعان قازاقستاندىق ءانشى قايرات نۇرتاس بوستاندىققا شىقتى، - دەپ حابارلايدى “ادىرنا” ۇلتتىق پورتالى Otyrar Telegram ارناسىنا سىلتەمە جاساپ.
ۆيدەودان بايقاعانىمىزداي، ونەر يەسىن اتا-اناسى، دوستارى، ءتىپتى جانكۇيەرلەرى قارسى العان.
«ۋايىمداعان بارشا جاندارعا راقمەت»، - دەدى قايرات نۇرتاس.
ونىڭ اناسى گۇلزيرا ايداربەكوۆا سۇحباتىندا مۇنداي جاعدايدى ەشكىمنىڭ باسىنا بەرمەسىن دەپ، بارلىعىنا قولداۋ كورسەتكەنى ءۇشىن العىسىن ءبىلدىردى.
ەستەرىڭىزگە سالا كەتەيىك، 5 شىلدە كۇنى قايرات نۇرتاس ۇشاقتا توبەلەس شىعارعانى ءۇشىن ۇستالىپ، ۇساق بۇزاقىلىق جانە دەنساۋلىققا قاساقانا جەڭىل زيان كەلتىرۋ فاكتىلەرى بويىنشا اكىمشىلىك ءىس قوزعالدى. وقيعا الماتى – استانا باعىتىندا كەلە جاتقان ۇشاقتىڭ بورتىندا بولعان.
استانا قالاسىنىڭ اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتىنىڭ قاۋلىسىمەن قايرات نۇرتاس 15 تاۋلىككە اكىمشىلىك قاماققا الىنعان ەدى.
