Almatyda arzan tarifpen äue biletterın räsımdegenın mälımdegen Air Astana äue kompaniiasynyŋ eks-qyzmetkerlerıne qatysty sot ükımı şyqty, dep habarlaidy "Adyrna" ūlttyq portaly.
Almaty qalalyq sotynyŋ mälımetınşe, qylmystyq ıs Almaly audandyq sotynda qaralǧan. Sot E., İ. jäne A. esımdı būrynǧy qyzmetkerlerdı senıp tapsyrylǧan aqşany iemdenu jäne ūrlau, sondai-aq qylmystyq jolmen alynǧan qarajatty zaŋdastyru baptary boiynşa kınälı dep tanydy.
Sotta anyqtalǧandai, 2019–2024 jyldar aralyǧynda E. men İ. menedjer retınde, al A. departament direktory retınde qyzmet atqaryp, äue kompaniiasynyŋ qarjysyn iemdengen. Ūrlanǧan qarajatqa jyljymaly jäne jyljymaityn mülık satyp alynǧan.
Sottaluşylar öz kınäsın moiyndamaǧan. Prokuror men jäbırlenuşı tarap bas bostandyǧynan aiyru jazasyn sūraǧan.
Sot ükımımen İ. jäne A. 8 jylǧa, al E. 9 jylǧa bas bostandyǧynan aiyrylyp, mülıkterı tärkılendı.
Jaza taǧaiyndau kezınde sot qylmystyŋ alǧaş ret jasalǧanyn jäne sottaluşylardyŋ ärqaisysynyŋ ekı kämeletke tolmaǧan balasy baryn eskergen. Auyrlatatyn män-jailar anyqtalǧan joq.
Sot ükımı zaŋdy küşıne engen joq.
