يران ۇكىمەتى زاڭدى نارازىلىقتار مەن تارتىپسىزدىكتەردى اجىراتىپ قارايدى جانە قاجەتتى رەفورمالاردى جۇرگىزۋگە دايىن ەكەنىن مالىمدەدى. بۇل تۋرالى Report اگەنتتىگى Al Mayadeen تەلەارناسىنا سىلتەمە جاساپ جاريالادى، دەپ حابارلايدى “ادىرنا”.
پرەزيدەنت ماسۋد پەزەشكيان حالىققا جاساعان تەلەۇندەۋىندە بيلىكتىڭ ازاماتتاردىڭ تالابىن تىڭداۋعا جانە ەكونوميكالىق رەفورمالاردى جالعاستىرۋعا نيەتتى ەكەنىن ايتتى.
ونىڭ سوزىنشە، نارازىلىق بىلدىرۋشىلەر ەكونوميكالىق جاعدايدىڭ ناشارلاۋىنا الاڭداۋلى، بىراق قىلمىستىق ارەكەتتەرگە بارمايدى. ال ەلدەگى تارتىپسىزدىكتەردى اقش پەن يزرايل ارانداتۋدا دەپ ايىپتادى.
سونىمەن قاتار، پرەزيدەنت جاستاردى بۇلىكشىلەر مەن تەرروريستىك توپتاردان اۋلاق بولۋعا شاقىرىپ، قوعامدا تۇراقتىلىقتى ساقتاۋدىڭ ماڭىزىن اتاپ ءوتتى.
ايتا كەتسەك، يرانداعى نارازىلىق اكتسيالارى 14 كۇننەن بەرى جالعاسىپ كەلەدى. قازا تاپقاندار سانى 116 ادامعا جەتكەن. ولاردىڭ اراسىندا اراسىندا قاۋىپسىزدىك كۇشتەرىنىڭ 37 قىزمەتكەرى، ءتورت مەديتسينا قىزمەتكەرى جانە ءبىر پروكۋرور بار. سونىمەن قاتار 2 600-دەن استام ادام ءتۇرلى جاراقات العان، ال ۇستالعانداردىڭ جالپى سانى 2 638 ادامنان اسقان.
سونداي-اق، بۇعان دەيىن يراننىڭ قازاقتار تۇراتىن ايماعى گولەستان پروۆينتسياسىندا تارتىپسىزدىكتەردى ۇيىمداستىرۋشىلاردىڭ بىرقاتارى ۇستالعانىن حابارلادىق.
