Shanhaı yntymaqtastyq uıymy Iran Islam Respýblıkasynyń áskerı nysandaryna jasalǵan shabýyl týraly málimdedi, dep habarlaıdy "Adyrna" ulttyq portaly.
QazAqparat málimetinshe, ShYU baspasóz qyzmeti arnaıy málimdeme jarııalaǵan.
"Shanhaı yntymaqtastyq uıymyna múshe memleketter 2024 jyldyń 26 qazanynda Iran Islam Respýblıkasynyń áskerı nysandaryna jasalǵan shabýyldy qatań aıyptaıdy. ShYU-ǵa múshe memleketter halyqaralyq beıbitshilikke, qaýipsizdik pen turaqtylyqqa naqty qaýip tóndirýi múmkin Taıaý Shyǵystaǵy jaǵdaıdyń shıelenisýine qatty alańdaýshylyq bildirdi. ShYU-ǵa múshe memleketter halyqaralyq quqyqtyń jalpy tanylǵan normalaryn, sonyń ishinde BUU Jarǵysynda bekitilgen normalardy saqtaı otyryp, osy aımaqtaǵy jaǵdaıdy tek saıası jáne dıplomatııalyq quraldar arqyly turaqtandyrý boıynsha tıimdi sharalardy tez arada qabyldaýdy jaqtaıdy", - delingen habarlamada.
Aıta keteıik, Iran, Qazaqstan, Qytaı, Qyrǵyzstan, Pákistan, Reseı, Tájikstan, Ózbekstan jáne Úndistan - ShYU-ǵa múshe elder. Aýǵanstan, Belarýs jáne Mońǵolııa uıymǵa baqylaýshy elder statýsynda qatysyp otyr. Al qazan aıynda Izraıl Iranǵa shabýyl jasaǵan bolatyn.
