Reseidıŋ Tula qalasynda ǧylymi-öndırıstık ūşqyşsyz aviasiialyq jüieler ortalyǧy «TulaDron» kompaniiasynyŋ bas direktory Evgenii Grigorev qamauǧa alyndy, dep habarlaidy "Adyrna" ūlttyq portaly caliber-ge sıltep.
Jergılıktı BAQ mälımetınşe, oǧan asa ırı kölemde alaiaqtyq jasady degen küdık keltırılgen. Sot 14 tamyzda Grigorevtı ekı aiǧa qamauǧa alu turaly şeşım şyǧarǧan. «TulaDron» ǧylymi-öndırıstık ortalyǧyn qūruǧa 1 milliardtan astam rubl jūmsalǧany habarlandy.
2025 jyly Tula oblysynyŋ gubernatory Dmitrii Miliaev ortalyqtyŋ Reseidegı ūşqyşsyz jüieler salasyndaǧy eŋ ırı on ǧylymi-öndırıstık ortalyqtyŋ bırıne ainalatynyn aitqan.
Sol jyly qaŋtarda «TulaDron» Reseidıŋ önerkäsıp jäne sauda ministrlıgınen ūşqyşsyz äue jüieler tehnologiialaryn damytu salasyndaǧy synaqtar men qūzyretter boiynşa ǧylymi-öndırıstık ortalyq märtebesın alǧan.
Qazır Evgenii Grigorevke qatysty qylmystyq ıs boiynşa tergeu jürgızılıp jatyr. Oqiǧanyŋ basqa da män-jailary anyqtaluda.
